Briketenia (Closed)

今日去咗北角匯嘅一田超市用埋d 現金券，就順便幫個朋友慶祝生日食埋晚飯先回家。俾我搵到一間米芝蓮一星嘅西餐廳。餐廳環境簡約帶點華麗有落地玻璃望到對面九龍。可選室內或戶外露台用餐。因今日天氣實在太熱，所以我哋出唔到去戶外用餐，如果冬天嘅話一定會選擇去餐廳露台食飯。我地2個人叫左2個dinner set, 包飲品。麵包夠熱，無限任添前菜：煙三文魚布里芝士火箭菜沙律煙三文魚超新鮮，好大塊。火箭菜非常新鮮食落好爽口，第一次食布里芝士，唔會過蘇，有啲似水牛芝士嘅味道。前菜：法式牛肉他他（+$58）牛肉他他非常新鮮，唔會血淋淋。 他他已經吸咗特製嘅醬料食落味道非常惹味，size 適中，如果太大舊又怕好快會濟，會食唔落其他主菜。主菜：香烤肉眼扒配薯蓉及小甘筍 $398肉眼扒脂肪比例均勻，唔會過多脂肪，好香牛肉味。煎到5成熟，切開有少少血汁滲出，外面煎到好香口有炭燒味，肉入面剛剛好軟身。薯蓉混了黑松露非常高貴，更加好味。主菜：日式豬腩及豬鞍配薯蓉及蔬菜 $398平時好少叫豬扒，驚佢整到好韌好鞋。 估唔到呢間餐廳煮到豬腩及豬鞍剛剛好。 食落有點爽口而帶少少淋身既感覺。再點埋個燒汁，無得嘆。