同撈同煲 (堅拿道西)

Open Now

Now Closed

專程嚟到銅鑼灣“九龍城同撈同煲”火鍋店，試佢嘅刺身同埋胡椒豬肚無激素雞煲，店舖入口比較不起眼，只係一條小樓梯上二樓，但上到去之後就比架紅色人力車吸引住，入到餐廳有一種回到90年代的感覺，還播著90年代的粵語流行曲，好有懷舊feel，坐落當然就點佢嘅犀飛利刺生和胡椒豬肚無激素雞煲；首先火鍋醬料就有放在枱面上，有八款之多，任君選擇！當然就要收返16蚊一位呀，好快趣咁個犀非利刺生就嚟到，條活魚雖然唔識得喐，但係啲魚肉都好鮮嫩彈牙，淥一淥表面變白，更加有一種嫩滑嘅感覺，而象拔蚌和帶子生食爽口，灼一灼6爽口之餘更加有鮮味，海膽就真係就咁食！鮮甜和入口即溶！至於胡椒豬肚雞鍋，啲雞嫩滑，食落好有雞味！似新鮮雞；胡椒豬肚鍋好香胡椒味，豬肚亦都爽淋，啲湯真係唔錯，好鮮甜！尤其最後我哋將魚身放於鍋中滾，別有一種鮮魚香和胡椒嘅味道，最後餐廳仲送兩款甜品給我們，花奶啫喱賣相可愛，至於糖不甩方面，兩條魚狀嘅糯米煮淋，再加上花生碎，食落有風味；因用胡椒雞煲煮糯米，所以仲有一啲胡椒味特別有特色！