반찬앤쿡 Banchan and Cook (時代廣場) (Closed)

餐廳的裝修實而不華, 用淺木色系列的設計, 令人覺得好整潔舒服。店內空間都幾大, 有幾多座位, 所以lunch hour 都唔需要等位就入到。服務態度唔錯, 一入到去就送上餐牌同前菜 (有小青瓜, 酸蘿蔔), 好開胃。然後店員都留留意客人幾時需要點餐, 反應都幾快。我叫左一個原味蛋包飯, 上枱後店員會用刀仔🔪幫我切開蛋包飯。係落刀前, 佢會細心地問我需唔需要影左相先😂 太貼心了吧!原味蛋包飯 ($88)佢同我平時食開的蛋包飯好唔同, 呢個蛋包飯的飯並不是白飯, 而係預先用牛肉粒炒過。炒飯放係底部, 而蛋包則係放係飯的上面。當店員用刀切開蛋包的時候, 蛋就會完美地覆蓋住個飯。成個過程好有觀賞性😂 另外係飯的旁邊有好多醬汁, 所以每一啖都可以撈汁食, 一D都唔會DRY。而肉汁味道好特別, 出面好似無食過呢種甜甜地又帶少少咸味的醬汁。不過美中不足係我略嫌原味蛋包飯有點單調, 食到一半會有種覺得有少少漏, 少少濟的感覺。而我朋友就叫左鰻魚蛋包飯, 我試左少少鰻魚, 好好食!!! 而且整體望落去佢個餐豐富好多🤭水果冰茶 (午餐贈飲)老實講, 我覺得呢杯水果冰茶唔太好飲, 因為有陣藥水味… 佢既味