王家沙．花樣年華 (金朝陽中心) (Closed)

是日週末，頗有閒情逸致就嚟呢間王家沙試吓，叫得花樣年華，好似裝修格局都比一般嘅王家沙高。侍應好友善，主動遞濕紙巾，不停的有人斟茶，上菜時又細心擺位，服務好比日本的餐廳。值得一讚！小籠包還好，麻油味頗香，肉汁可以更鮮味就好。脆膳好香，加入酸甜薑絲平衡一下。唯一係炸得有少少過龍，硬左啲，一般啦。流沙奶黃包三大個，很不錯。香甜，軟滑，包唔乾身，$38都抵食。仲叫左蟲草花湯麵，是燉湯，味道不錯，幾清甜。難以避免係雞肉較老，嚡口，麻麻地好食。總括而言，味道還好，服務超班，價錢還可。