Video
Read full review
2010-01-12
22 views
朋友介紹, 上黎睇過都覺得唔錯, 所以去試下~前一日已經book左位, 但因為book 8點, 所以佢地都話可能要坐門口位. 到左當日既下午, 佢地有人打黎同我講..如果我地遲少少8點半到, 應該可以比到入面我地坐, 不過我都話...我地照約左8點, 到時邊度有位就坐邊度, 無問題的!8點去到, 真係要等一陣, 不過因為我地book左位, 入面一有人埋單就即刻比我地, 所以我地都只係等左一陣o者!出名老鴨湯, 當然要試啦, 我地6個人叫左一隻鴨. 個湯黎到, 佢話煲多5分鐘後裝比我地飲, 5分鐘後佢地真係過黎裝湯, 其中2個朋友未黎到, 佢地都裝起碗湯後幫我地搵個碟仔蓋住保暖, 好細心呢~~~ 講番個湯, 好味!! 入面有d我以為係大頭菜既野咬下, 原來係酸蘿蔔! 個湯好濃好香, d鴨肉都好林, 我有d朋友都飲完再飲! 哈~ 通常打邊爐d人係打完邊爐先飲湯, 今次係飲晒湯先打邊爐, 幾得意~~~打邊爐途中, 因為好多食物都肥膩, 煲都個湯底都"肥林林", 佢地都會走黎幫我地"片"走湯面既油, 呢點真係要讚!!!至於食物, 排名不分先後, 比較特別的我寫低啦, 嘻嘻!!駱駝峰: 好爽好味
前一日已經book左位, 但因為book 8點, 所以佢地都話可能要坐門口位. 到左當日既下午, 佢地有人打黎同我講..如果我地遲少少8點半到, 應該可以比到入面我地坐, 不過我都話...我地照約左8點, 到時邊度有位就坐邊度, 無問題的!
8點去到, 真係要等一陣, 不過因為我地book左位, 入面一有人埋單就即刻比我地, 所以我地都只係等左一陣o者!
出名老鴨湯, 當然要試啦, 我地6個人叫左一隻鴨. 個湯黎到, 佢話煲多5分鐘後裝比我地飲, 5分鐘後佢地真係過黎裝湯, 其中2個朋友未黎到, 佢地都裝起碗湯後幫我地搵個碟仔蓋住保暖, 好細心呢~~~ 講番個湯, 好味!! 入面有d我以為係大頭菜既野咬下, 原來係酸蘿蔔! 個湯好濃好香, d鴨肉都好林, 我有d朋友都飲完再飲! 哈~ 通常打邊爐d人係打完邊爐先飲湯, 今次係飲晒湯先打邊爐, 幾得意~~~
打邊爐途中, 因為好多食物都肥膩, 煲都個湯底都"肥林林", 佢地都會走黎幫我地"片"走湯面既油, 呢點真係要讚!!!
至於食物, 排名不分先後, 比較特別的我寫低啦, 嘻嘻!!
駱駝峰: 好爽好味好得意, 要試!
黃金餃, 韮菜餃: 前者不好吃, 後前同平時的韮菜餃無分別
鵝粉腸: 林林的, 黏口的, 好似有d鵝肝既物體連住, 呢樣試唔試都得, 因為好肥膩!
肥鵝腸: 都肥膩, 但好爽口, 唔介意d肥肥痴住or膽固醇爆燈的話, 可以試下丫! 哈~
本地蠔: 一碟4隻, 上碟時好大隻, 煲完變了小蠔屎, 很小的肚肚, 但有蠔味.
手切肥牛: 好食, 好林, 有牛味, good!
酒釀雞丸: 幾得意, 有d醉雞汁係粒丸入面, 食果時小心唧親隔離!
花膠筒: 好!
芝心丸/午餐肉/火腿丸/魚皮餃: 沒有難度的東西.
前菜兩碟-炸菜: 可能我鐘意食炸菜, 佢又整到辣辣地, 所以幾好味.
仲有其他的普通食物, 不過唔記得咁多
總括黎講, 服務一流, 食物都幾特別, 鐘意打邊爐既朋友係一個不錯既選擇!!
順帶一提...., 如果搭地鐵, 請係長沙灣站既a2出口出.....
因為我之前睇錯openrice地圖, 又見呢間舖頭係寫住"深水埗順寧道", 於是好瘀地約左d朋友係深水埗地鐵站等, 出左閘睇地圖先知自己衰左! 唯有又入閘搭番去長沙灣...., 瘀到爆!
Post