潮館 (創紀之城五期(apm)) (Closed)

星期二同家姐同爸爸一齊去飲茶，行過黎間潮館，見到做緊優惠，11點前落單都有全單半價，好抵食， 所以即刻排隊等位，雖然喺星期二但都好多人等。最後我地有個卡位，都幾闊落。這間酒樓是用電子下單的，好環保。我地叫左個排骨飯，炒米粉，燒賣，金錢肚，鳳爪，牛肉腸等等。野食黎到都幾熱，金錢肚值得一讚，幾軟幾諗。鳳爪都好食，好夠味。但係啲野食實在黎得太慢，我地10點落單，成11點仲有兩碟都未黎，催單又無人理，最後同佢講取消，佢先講你自己同收銀講啦，跟本就無諗過幫下手。全間店得個幾個樓面，忙到踢曬腳，野食又慢上，搞到無左一樣一碟既樂趣。