Video
Read full review
2021-12-07
433 views
翠河在新址重開後今日第二次幫襯。上次只匆匆食咗個下午茶，見佢人手係少但剛開張比d時間佢改善啦。事隔两星期今日去食晏。員工多咗幾個但都似係無乜受過訓練既。翠河話哂都係連鎖集團就算請唔到有受過專業訓練既人，公司都應該內部調教吓至比佢地落場做。今日我叫杯咖啡少奶，送嚟果杯有d污漬係杯度梗係叫佢換過杯啦。全場員工裙拉褲甩咁忙住出餐，執枱，出外賣，好不容易叫停個嬸嬸幫我换，但换來一杯d奶仲多過奶茶既。無奈再叫佢換過杯但佢唔多采我，果時一位高级既係附近見到就叫佢即安排，但個嬸嬸好似未瞓醒咁攞住盒奶行埋來。我係要少奶啊!之後高级果位即喝住佢叫佢重新磨過杯咖啡比我。幫我落單果位似中層，但態度都差。我坐落後睇緊餐牌佢就行埋來話落埋我張單先。但我都未決定食乜，又唔係我叫佢來落單，佢竟然好不滿咁勵我一眼就走開。什麼態度？我食完碟意粉但仲有大半杯咖啡未飲，唔知點解忽然有個人坐埋來話搭枱。中午時間明白卡位要搭枱好正常，咁我咪要求d侍應放塊格板，大家三唔識七，我唔知我自己有無新冠病毒咖嘛！個侍應好勞嘈咁話:無呀! 佢地係門口有個牌叫人排隊但好似唔見有人帶位所以d客咪亂坐，見卡位一邊有位就想坐唔理疫情。感覺呢間服務
幫我落單果位似中層，但態度都差。我坐落後睇緊餐牌佢就行埋來話落埋我張單先。但我都未決定食乜，又唔係我叫佢來落單，佢竟然好不滿咁勵我一眼就走開。什麼態度？
我食完碟意粉但仲有大半杯咖啡未飲，唔知點解忽然有個人坐埋來話搭枱。中午時間明白卡位要搭枱好正常，咁我咪要求d侍應放塊格板，大家三唔識七，我唔知我自己有無新冠病毒咖嘛！個侍應好勞嘈咁話:無呀! 佢地係門口有個牌叫人排隊但好似唔見有人帶位所以d客咪亂坐，見卡位一邊有位就想坐唔理疫情。感覺呢間服務水平真要提高。
Post