Video
Read full review
2023-12-30
1615 views
屋企人飲過幾次茶，話啲嘢好食，所以book咗dinner食半圍菜試下佢個賀冬宴。一叫起菜，佢真係八道菜一齊嚟，張六人枱擺到滿哂，同時間競賽，睇住啲餸凍。有兩個女侍應真係成餐飯嘅焦點，簡直係人中之鳳s。合埋眼落碟菜，一嘢打瀉碟醬油當冇事發生。跟住另一邊夾硬落碟冬菇鴨掌，隻碟好大，掃冧咗我罐未斟哂嘅啤酒，張枱濕哂，我條褲又滴到，sorry都冇句就走咗去。其實隔離有張枱仔放茶壺餐牌，你放碟餸上去一陣，執空個位先上枱唔嘥你好多時間。問佢儸隻匙羹，我睇住佢一路行過嚟一路用隻手指公係咁捽隻羹，心諗傻的嗎。食咁多道菜，碗碟一定又有汁又有骨，冇人諗過要幫我哋換下，要自己開聲。個女侍應好嘢，捧住六隻乾淨碟，好唔願意咁行咗兩轉幫咗五個人換碟，第六個人因為坐得離佢最遠所以冇幫手換，然後佢儸住第六隻乾淨碟行返pantry。我要再開聲佢先肯返轉頭換埋第六隻，佢前後行咗三轉。我已經放棄再等佢儸碗畀我，自己喺隔離枱拎算。埋單嗰陣，儸咗個盒打包只係食咗少少嘅糯米飯。見裝唔哂，所以問儸多個盒，分兩盒裝。人中之鳳搭爹同我講“一個盒都裝得哂啦”。Sorry囉，要麻煩你，但重點係第一個盒唔係人中之鳳儸畀我嫁wor，跟住佢去儸
一叫起菜，佢真係八道菜一齊嚟，張六人枱擺到滿哂，同時間競賽，睇住啲餸凍。
有兩個女侍應真係成餐飯嘅焦點，簡直係人中之鳳s。
合埋眼落碟菜，一嘢打瀉碟醬油當冇事發生。跟住另一邊夾硬落碟冬菇鴨掌，隻碟好大，掃冧咗我罐未斟哂嘅啤酒，張枱濕哂，我條褲又滴到，sorry都冇句就走咗去。其實隔離有張枱仔放茶壺餐牌，你放碟餸上去一陣，執空個位先上枱唔嘥你好多時間。
問佢儸隻匙羹，我睇住佢一路行過嚟一路用隻手指公係咁捽隻羹，心諗傻的嗎。
食咁多道菜，碗碟一定又有汁又有骨，冇人諗過要幫我哋換下，要自己開聲。個女侍應好嘢，捧住六隻乾淨碟，好唔願意咁行咗兩轉幫咗五個人換碟，第六個人因為坐得離佢最遠所以冇幫手換，然後佢儸住第六隻乾淨碟行返pantry。我要再開聲佢先肯返轉頭換埋第六隻，佢前後行咗三轉。我已經放棄再等佢儸碗畀我，自己喺隔離枱拎算。
埋單嗰陣，儸咗個盒打包只係食咗少少嘅糯米飯。見裝唔哂，所以問儸多個盒，分兩盒裝。人中之鳳搭爹同我講“一個盒都裝得哂啦”。Sorry囉，要麻煩你，但重點係第一個盒唔係人中之鳳儸畀我嫁wor，跟住佢去儸第二個盒返嚟，“喂"咗我一聲，然後隊落我手臂度。
嗰晚係星期四，全場得三四成入坐，侍應係行行企企好眼訓，叉腰等收工。你收我四、五舊水一個人頭，冇諗到服務可以咁出眾。第一次幫襯，應該都係最後一次。
味道嚟講只屬正常，用料唔算靚但又未駛投訴嗰隻，冇話有一道菜係“嘩，好食”咁囉。炒糯米飯就真係“嘩，唔好食”，淋同濕，好似唔夠糯米溝咗啲白米咁嘅效果。半圍菜包六罐啤酒汽水，冇諗到啤酒會畀森堡呢啲貨色……
Post