星林居雲南米線餐廳 (Closed)

身為韓綜fans，之前新西遊記黎香港食米線個時，開始對呢間市中心中嘅米線店有所關注。先小人後君子，未食嘢之前已經免費比氣我食。禮貌一問店員有冇zero，佢以責罵嘅態度講「你頭先又唔講」，話我都係第一次遇到咁嘅店員，明明落單我係指zero。服務咁，令我對整個餐廳期望大大減低，但一食，味道整體幾好。食物果然可以令心情好返d。湯底叫咗小辣，正常酸，辣度可以再叫辣d，而酸味剛剛好。最欣賞係呢到有得多蔥/ 多芫茜，岩曬我呢d愛料頭、蔥嘅人。湯麵有肉碎，肉碎分量都幾多。餸方面有魚腐三件，偏實。令我喜出望外係腩肉。腩肉有5大片，厚身，層次分明。三分一係肥肉，咬落唔會乾爭爭，有淡淡油香。食之前有做定功課，有食評指餸分量偏少。以今日食黎講，分量都算多，甚至比連鎖米線多。雖然服務差，但平心而論味道同分量都幾好，甚至有驚喜，係市中心黎講$50嘅米線都抵。味道同服務相差太大，結果打個打和，整體一般。