Video
Read full review
2021-05-10
390 views
🍴椰汁雞湯 HK$84一開始椰香撲鼻，雞同椰子嘅清甜隨之而來，絕對唔係椰汁加急凍雞肉加水可以煲成嘅味道，一問之下，原來湯底用老雞熬成，再加新鮮椰青水、椰汁、鮮雞肉，仲有金不換、泰國番茜等香料，層次豐富，真材實料。🍴冬蔭功湯 HK$84平時飲冬蔭功湯最憎咬到硬嘅香茅、南薑，都幾唔方便，而呢碗冬蔭功湯同椰汁雞湯一樣，將香料切碎，每一啖都飲到各種食材，極具層次，而湯底本身酸辣香並重，酸同辣各自都好突出，同時亦非常匹配，真係好飲到一啖接一啖追住黎飲，暫時係我飲過最好飲嘅冬蔭功湯。🍴柚子沙律 HK$128雖然肉同菜都鍾意食，但甚少特登點一份沙律食，而泰式沙律卻例外。甘甜多汁嘅柚子加幾片鮮甜帶子刺身，淋上以魚露為主嘅沙律汁，既開胃，又惹味，泰式沙律獨有嘅酸辣鹹香令人著迷。🍴燒虎蝦配黑胡椒汁 HK$288虎蝦夠厚肉，燒得香，有米粉伴碟，可以撈汁食，黑胡椒汁加埋三色椒看似甚有茶記風味，但就無咁油膩，唔算辣，以突出胡椒香味為主。🍴蟹肉炒飯 HK$128蟹肉足料鮮甜，炒飯粒粒分明，落少少辣魚露更加惹味，食完見到碟底無乜油，炒飯有功架。🍴THAIJITO HK$88材料有荔枝汁、青檸汁、薄荷、冧酒，比一般M
🍴椰汁雞湯 HK$84
一開始椰香撲鼻，雞同椰子嘅清甜隨之而來，絕對唔係椰汁加急凍雞肉加水可以煲成嘅味道，一問之下，原來湯底用老雞熬成，再加新鮮椰青水、椰汁、鮮雞肉，仲有金不換、泰國番茜等香料，層次豐富，真材實料。
🍴冬蔭功湯 HK$84
平時飲冬蔭功湯最憎咬到硬嘅香茅、南薑，都幾唔方便，而呢碗冬蔭功湯同椰汁雞湯一樣，將香料切碎，每一啖都飲到各種食材，極具層次，而湯底本身酸辣香並重，酸同辣各自都好突出，同時亦非常匹配，真係好飲到一啖接一啖追住黎飲，暫時係我飲過最好飲嘅冬蔭功湯。
🍴柚子沙律 HK$128
雖然肉同菜都鍾意食，但甚少特登點一份沙律食，而泰式沙律卻例外。甘甜多汁嘅柚子加幾片鮮甜帶子刺身，淋上以魚露為主嘅沙律汁，既開胃，又惹味，泰式沙律獨有嘅酸辣鹹香令人著迷。
🍴燒虎蝦配黑胡椒汁 HK$288
虎蝦夠厚肉，燒得香，有米粉伴碟，可以撈汁食，黑胡椒汁加埋三色椒看似甚有茶記風味，但就無咁油膩，唔算辣，以突出胡椒香味為主。
🍴蟹肉炒飯 HK$128
蟹肉足料鮮甜，炒飯粒粒分明，落少少辣魚露更加惹味，食完見到碟底無乜油，炒飯有功架。
🍴THAIJITO HK$88
材料有荔枝汁、青檸汁、薄荷、冧酒，比一般Mojito多左荔枝汁，令酸苦味更平衡，更易入口。
🍴PHUKET VIVA HK$98
材料有青檸汁、橙汁、雪碧、紅酒，雪碧溝紅酒呢個配搭細個去飲會間中試下，純粹過下癮，朋友就話呢杯PHUKET VIVA好合佢口味，雪碧唔會蓋過紅酒果香。
📍SAYAM THAI/BAR
銅鑼灣怡和街22號3樓
Post
