品越越式料理 (康怡廣場北座)

Open Now

Now Closed

事源同友人去太古睇戲，咁就先響附近行下食下野先，聽朋友講，呢間品越響康怡開左一排，可以試下。門面非常開揚，座位闊落舒適，環境同擺設裝飾亦非常有特色。咖哩雞，另加薄餅。份量較少，兩人細食既先勉強夠，有啲覺得去食大x樂or大x活仲抵食好味咁。越式炒金邊粉，蛋汁煎成網狀，包住金邊粉，加上花生碎同青檸，不錯的配搭。品越三色沙冰，其實即係珍多冰，無乜特別。菠蘿熱情果梳打，清新開胃。服務方面，全程麻麻，由落order 開始，有兩個女侍應都面黑黑，態度串串地咁。食物唔算好味，價錢偏貴，份量較少，應該無下次了。