意粉 360 (Closed)

又唔知點解，有想黎呢度食飯。可能受上次卡邦拿既影響啦，不過今次就唔食啦，因為....唔知點解啦。理應lunch應該好多人，但出奇地好多空任坐，真係O哂。忌廉湯講真，無乜特別既。不過又算幾creamy，隨湯送既多士好脆口，正。另外，仲有個芝麻醬沙律，感覺好清新。比沙律醬既清淡同無咁滯。和風茄子呢個小食即係炸茄子，其實無乜特別。不過新鮮炸就真係好好食。牛柳片石頭鍋飯雖然好快就黎到，但個飯係好熱架。牛柳片份量幾多，唔太韌。個飯好煙韌，個燒汁同個飯係好夾。榛子朱古力好飲，榛子味好濃。之間仲有陣陣既朱古力味，個配搭好得意。午餐唔算太貴，有沙律、湯同主菜加野飲。都係五十幾到啦，呢個價位食得過既。