甜品老媽 (Closed)

lunch time 同同事搵野食，搵到去東大街，見到哩間賣甜品既有賣lunch，台式的，於是試試。同事點了肉燥飯，d肉燥唔係平時食開o個d肉碎，個size係介乎肉碎於肉粒之間，襯熱食幾好味。我就點左台式牛肉麵，有大中小辣揀，揀左中辣。麵一黎到，先喝湯，wa!!!辣死!!!!雖然佢d辣唔會stay o係條利好耐，但唔算食得辣既朋友千其唔好叫中辣或大辣。辣到唔記得個湯係咩味，但起碼未好味到令我辣到照飲，麵質亦可以彈牙d更好，至於牛肉，要讚!老闆娘話佢地係用牛展，我心諗牛展有幾特別？周街d牛肉面大把係用牛展ga啦。佢好就好在厚切，有牛利咁厚，甚至厚少少，又夠"林"既牛展，一絕!講完食物講service，老闆娘幫我地落單，落到一半有客要佢幫手，佢可以無左件事，唔叫都唔落埋下半張單。野飲又未叫，叫叫下野飲又走左去......唉~~~老闆娘d態度表面殷勤但總會有d位夭中你心肺。其他waitress妹妹就戰戰兢兢咁，都helpful既，但好明顯係老闆娘比唔夠信心佢地。只懂叫人做野，唔識control員工心理，咁d service又點會好丫~~~~