Video
Read full review
2005-12-28
8 views
27 December 2005 - 晚餐其實呢間嘢我黎過一次啦好耐之前，但係尋晚點解會再黎係因為爸爸應承我同我食一次鵝肝，所以我哋尋晚喺soho區由下面條街開始搵有得食鵝肝既餐廳，點知兩條街入面既menu裏，只有呢間同下面另外一間有得食，咁啱我兩間都食過，但係呢間我上次黎就冇order鵝肝，所以就決定黎呢度再食！不過我己經唔記得上次自己點睇呢間嘢，只知今次就真係．．．我同爸爸各叫咗個6個courses既tasting menu，都要$380一位，但見如果叫set dinner要$298再加一客鵝肝(即係再加$110)都唔平，不如叫呢個$380己包鵝肝，又可以食多幾款！呢個set包括1. 紅or白酒：我哋當然係叫紅酒，味道幾好，屬於medium dry，係最易入口嗰種紅酒！2. starter係一件帶子加一件燒蝦加蟹餅：三件都幾好味，尤其是件蝦！3. 鵝肝：係我滿心期待既鵝肝，郤換來滿心失望，因為我真既覺得佢overcooked咗，通常人哋個面都只係少燶，但係我覺得佢好燶，入面仲有太熟既感覺，爸爸都係咁諗．．．唉．． 好失望！4. 龍蝦湯：普通，一般，完全無料喺入面．．． er...其
其實呢間嘢我黎過一次啦好耐之前，但係尋晚點解會再黎係因為爸爸應承我同我食一次鵝肝，所以我哋尋晚喺soho區由下面條街開始搵有得食鵝肝既餐廳，點知兩條街入面既menu裏，只有呢間同下面另外一間有得食，咁啱我兩間都食過，但係呢間我上次黎就冇order鵝肝，所以就決定黎呢度再食！不過我己經唔記得上次自己點睇呢間嘢，只知今次就真係．．．
我同爸爸各叫咗個6個courses既tasting menu，都要$380一位，但見如果叫set dinner要$298再加一客鵝肝(即係再加$110)都唔平，不如叫呢個$380己包鵝肝，又可以食多幾款！
呢個set包括
1. 紅or白酒：我哋當然係叫紅酒，味道幾好，屬於medium dry，係最易入口嗰種紅酒！
2. starter係一件帶子加一件燒蝦加蟹餅：三件都幾好味，尤其是件蝦！
3. 鵝肝：係我滿心期待既鵝肝，郤換來滿心失望，因為我真既覺得佢overcooked咗，通常人哋個面都只係少燶，但係我覺得佢好燶，入面仲有太熟既感覺，爸爸都係咁諗．．．唉．． 好失望！
4. 龍蝦湯：普通，一般，完全無料喺入面．．． er...其實都有兩舊好似比手指尾甲仲細既龍蝦既．．．
5. 魚配菜：我唔記得咗睇下個menu係咩魚同咩菜，只知佢既煮法好中餐feel，味道一般，不過好大舊！
6. 草苺sorbet：算係好好味架啦！
7. 羊鞍：好細舊，肥肉多過瘦肉，所以食得既比唔食得既少，不過冇乜酥味，值得一讚！
8. 甜品：我都唔知係乜，只知味道有啲似芝士．．．OK，起碼係我未食過既甜品，幾特別！
但係我最想講既係佢哋既態度囉．．．喺上紅酒前，我爸爸問佢係咪唔知咩紅酒(我對紅酒冇咁熟悉，唔記得我爸爸問嗰個名係乜)，嗰個貌似經理既人話送既係咁架啦！爸爸當堂都唔多高興，佢覺得佢既答法好有問題，身為服務性行業既人，應該要比客人有賓至如歸既感覺，又或者係comfortable既feeling，但係佢咁答好令人唔舒服囉！爸爸覺得佢應該話”其實呢隻都幾好架，你試下先啦！”
仲有就係由於人多，有好多冇訂枱既人walk in，咁梗係冇位啦，但係經理一句話冇晒位呀，就叫晒人走，其實佢識做生意既咪叫人哋或者一個鐘頭後返黎睇下，語氣咁都好啲吖．．
呢個四眼龜咁樣既經理，真係態度乞人憎，面無表情之餘仲面黑黑，完全唔至在咁，說話既語氣同技巧都冇，真既好差呀！今時今日咁既服務，點得呀？？？
Post