Video
Read full review
2015-11-11
3254 views
好耐之前在JENNY還未發圍得太輝煌時, 都有買她的餅, 當時實在是少有這種超重牛油香又包裝精美的本土食物, 自食又送禮實在很好. 後來因為大陸人排大隊來買, 我LUNCH去買又唔夠時間排, 放工趕落去又賣曬, 幾次都買唔到, 後來都無再嘗試買了.前兩日有朋友想買三盒送禮, 見我在附近返工就託我幫手買, 我一早就聽聞有限買, 就保險D拉多個朋友一齊去.LUNCH 時間12點去到, 人唔算多, 見到有限買-->一人兩盒, 心諗好彩拉多個朋友來, 我仲可以買一盒大咖啡味比自己食添 (打著如意算盤~)排到埋去, 見到有3個亞嬸企響度, 一個監工, 一個執貨, 一個收錢. 以下就係對答:我: 唔該我想要3盒 4 mix 同一盒大咖啡味亞嬸:今日得4 MIX同8 MIX, 牌上所有既野都冇得賣我: 咁請問幾時會有貨？ 亞嬸(好寸咁話): 唔知呀, 咁你而家買唔買呀？因為我係幫朋友買, 佢幾唔好態度我都係要買啦.在我正打算比錢時, 唔知邊個亞嬸突然大叫:你今朝咪黎過囉 !!!我即時答: 我冇黎過, 我今日第一次黎咋喎!亞嬸:你黎過, 你頭先黎過!我再答: 我冇黎過!亞嬸:你有!我朋友企響
前兩日有朋友想買三盒送禮, 見我在附近返工就託我幫手買, 我一早就聽聞有限買, 就保險D拉多個朋友一齊去.
LUNCH 時間12點去到, 人唔算多, 見到有限買-->一人兩盒, 心諗好彩拉多個朋友來, 我仲可以買一盒大咖啡味比自己食添 (打著如意算盤~)
排到埋去, 見到有3個亞嬸企響度, 一個監工, 一個執貨, 一個收錢. 以下就係對答:
我: 唔該我想要3盒 4 mix 同一盒大咖啡味
亞嬸:今日得4 MIX同8 MIX, 牌上所有既野都冇得賣
我: 咁請問幾時會有貨？
亞嬸(好寸咁話): 唔知呀, 咁你而家買唔買呀？
因為我係幫朋友買, 佢幾唔好態度我都係要買啦.
在我正打算比錢時, 唔知邊個亞嬸突然大叫:
你今朝咪黎過囉 !!!
我即時答: 我冇黎過, 我今日第一次黎咋喎!
亞嬸:你黎過, 你頭先黎過!
我再答: 我冇黎過!
亞嬸:你有!
我朋友企響我後面, 聽到呢D低能既對答, 就幫口了(正常語氣再帶點無奈):
"今朝大家都要返工, 點黎ar咪玩啦..."
個亞嬸即時發爛: 你咁無禮貌, 我唔賣比你, 你走! (一手指出街外, 好似咩呢, 似亞媽趕個仔出家門果種)
我朋友: 咁不如睇下CCTV, 睇下我地今日有冇黎過!
個亞嬸大嗌: 睇咩呀, 唔賣, 唔賣比你, 唔好賣比佢! (最後句佢同收錢果個亞嬸講, 因為我地已經交收緊錢同餅了)
佢大聲到後面條人龍都聽到, 靜曬...
其實我都好火, 前面個大陸人企到埋去先諗買乜又呢又路攪左好耐都冇見佢地發惡, 我地好聲好氣, 埋到櫃位就買快手快腳錢都預備好, 你就咁既態度, 係咪因為講廣東話你就覺得好恰?!!!!
如果呢個亞嬸就係jenny, 我只可以話jenny你咁既態度, 唔怪得香港人要杯葛你,
如果呢個亞嬸係員工, 咁亞jenny不如你請少個當贏.
以前我以為最惡死既員工在澳牛, 今日先知澳牛輸足九條街.
就係因為我幫朋友買, 我怕佢真係唔賣比我, 所以我乜都冇講, 望都冇望, 比左211蚊(有1蚊係膠袋錢), 一手拎餅另一手拉住個朋友就走.
但係我以後都唔會再買, 亦都會叫朋友唔好去買, 唔想大家比錢乞人賣野比你, 仲要比人指住鬧.
Post