Video
Read full review
2015-09-25
2197 views
1. 等候時間太長話就話每張枱限時2個鐘，根本得個講字。完全冇確切執行，令等候時間延長。連reception都講有啲人坐左3個鐘都唔肯走。最後差唔多等左成2粒幾鐘！2. 服務態度惡劣我同班朋友已經餓到一個點，執緊枱個陣佢地完全sense唔到我到火到黎埋，佢同我講「呢張你㗎啦，等多陣執埋就入得」。最慘仲要我自己問佢可唔可以order住個雞煲先。有冇搞錯呀！另外，本身諗住訂位嘅，我朋友打完黎，佢地話要10個先可以訂，點知到尋日，俾我發現驚天大秘密。有個訂左10位嘅黎得個8位，啲職員問完一輪，最後又係俾返張枱佢地食，咁我下次都咁做就得啦，等都唔洗，一黎就有。不過應該冇下次！最慘係我地8個人都係俾張細枱我地，人地8個有張10人枱，舒舒服服。好啦，幾經辛苦終於入到佢啦。得6個位，咁我6個朋友就坐啦，而我就同另一個朋友企係到啦，諗住等佢拎張櫈黎。點知等左幾分鐘都冇人理，好啦到有人理啦……俾個侍應吹到啤一聲「先生，企係到有咩幫到你」。嘩，多謝哂，thank you for your question喎。咁我咪回番佢「你估我想企係到呀！都唔夠位坐！」一秒就KO佢啦。最後咪死死地氣推兩張櫈埋黎。啲侍應唔
話就話每張枱限時2個鐘，根本得個講字。完全冇確切執行，令等候時間延長。連reception都講有啲人坐左3個鐘都唔肯走。最後差唔多等左成2粒幾鐘！
2. 服務態度惡劣
我同班朋友已經餓到一個點，執緊枱個陣佢地完全sense唔到我到火到黎埋，佢同我講「呢張你㗎啦，等多陣執埋就入得」。最慘仲要我自己問佢可唔可以order住個雞煲先。有冇搞錯呀！
另外，本身諗住訂位嘅，我朋友打完黎，佢地話要10個先可以訂，點知到尋日，俾我發現驚天大秘密。有個訂左10位嘅黎得個8位，啲職員問完一輪，最後又係俾返張枱佢地食，咁我下次都咁做就得啦，等都唔洗，一黎就有。不過應該冇下次！最慘係我地8個人都係俾張細枱我地，人地8個有張10人枱，舒舒服服。
好啦，幾經辛苦終於入到佢啦。得6個位，咁我6個朋友就坐啦，而我就同另一個朋友企係到啦，諗住等佢拎張櫈黎。點知等左幾分鐘都冇人理，好啦到有人理啦……俾個侍應吹到啤一聲「先生，企係到有咩幫到你」。嘩，多謝哂，thank you for your question喎。咁我咪回番佢「你估我想企係到呀！都唔夠位坐！」一秒就KO佢啦。最後咪死死地氣推兩張櫈埋黎。
啲侍應唔會自動波serve你，係要你自己落手落腳做。啲嘢食完，隻碟空哂都唔肯收。叫壼嘢飲，黎到連杯都唔問要幾隻，又係我自己出去攞。好啦，當我咁啱企起身拎碟嘢推哂落個煲之後，咁啱終於有人自動自覺黎收嘢，點知佢竟然佢諗住係我朋友頭頂到收，嚇到我即刻成碟兜番去佢後面先俾個侍應。搞到我成餐自己收嘢去架車仔到。仲有擺低壼嘢飲嘢食，一句聲都唔出就擺落黎，好彩我坐定定係到，如果我唔知撞到啲嘢，真係唔該哂啦喂！
剩係上面個兩點，我已經blacklist左呢間嘢，以後都唔會黎食嘢。
3. 食物質素
--->可以接受
雞煲叫左一煲小辣、一煲唔辣。煲小辣OK嘅，食落麻麻辣辣，唔差嘅。但煲唔辣得個鹹字，唔掂......
賣相，OK啦叫可以接受
其他火鍋料，OK啦叫可以接受
嘢飲，份量夠大，OK啦叫可以接受
不過，我極之反對大家黎呢間「具質素」嘅食店，除非大家想體驗一下，或者貼錢買難受。
負皮是給這餐廳的唯一選擇，多謝大家！
Post