肯德基家鄉雞 (KFC) (Closed)

d食物係好味(雖然薯格同墨西哥脆脆份量少左d)，不過我真係要講下佢d服務有幾差!十一點一黎到，諗住食午餐，但見到佢未轉牌，仲係賣緊早餐，咁就無所謂坐陣先啦。等左十分鐘度，見仲未有午餐，就埋佢問個d counter 姐姐啦。問第一個問下幾時有午餐，佢就勁怕事，話係呀得早餐咋，我唔知架。問第二個，佢話唔賣午餐住，因為好多人買早餐.....但係個時已經有幾個師奶企哂係counter前話想食午餐。OK. 等多一陣，再問佢地，佢地話要等到d早餐賣哂先轉午餐!! 我見到裏面仲有勁多舊雞扒，心諗咪要等到天光。跟住有個男人又話要買午餐，個姐姐又係話要早餐賣哂先，個男人即刻發哂脾氣，話你一點先賣哂d早餐咁點呀?! 我平時都係好冷靜個d，今次我都真係燥左。跟住十一點半佢地係眾人的壓力下轉左牌。但係原來乜都未整好=.= 巴辣香雞翼無、墨西哥脆脆無、脆雞粒無......其實kfc十一點轉午餐唔係standard 架咩....乜佢地連食物都唔準備好?今次係我第一次上openrice 留 comment....因為真係對呢間野的服務好好好好不滿!! 間餐廳又搵唔到manager去處理事件，希望佢地真係好好改善下。