一生任食和式火鍋 (Closed)

知道呢度有間日本任食一段時間﹐同埋d食物味道同質素都唔差﹐但係就因為有朋友話佢地有個女部長既service就麻麻﹐所以都冇去試過﹐因為$188一位唔平。但係既然食物掂﹐又憑住唔會咁邪撞正果個女部長既心理﹐所以就同老婆去一試。去到時可能早﹐食客得3-4臺。但當七點過後﹐佢地差唔多九成五滿﹐而佢地個場亦唔細。生熟食物款式都好多﹐質素唔錯﹐新鮮。但食度中段﹐就好黑仔比我地遇到相信朋友所提及既不可一世既女部長。因為方便一路食﹐一路係menu睇有乜食﹐所以就放個menu係臺到。點知呢位穿黑衫叫Ivy Kwok 既女部長黑灑臉咁一手”mung”走我地個餐牌同好大力咁啪番落去個餐牌格度。“龐”一聲令隔離臺都望一望發生乜事。之後佢就繼續黑臉走左去。之後當呢位黑衫女部長I.K 放我地叫左既海鮮窩時﹐大大力咁“隊”落我地已放有食物既臺上時。個窩裡面d湯就好似海浪咁左右左右咁“廊”來“廊”去。差不多瀉出來﹗服務簡直離灑普﹗到尾段﹐呢位黑衫I。K話last order問仲有咩叫時﹐我地填寫兩個order甜蝦比佢。佢竟然話如果食唔灑﹐要收番$25/100g。我心諗﹕阿姐﹐如果真係食唔灑果4隻甜蝦﹐你咪照磅照計囉