Video
Read full review
2018-05-18
232 views
好耐無去灣仔食飯，一出地鐵站口見到8號冰室，時間差不多20:00，我係門口望下望下，佢有晚餐餐牌，問我幾多位，咁我自以為佢有晚市就入去。入到去坐底，見到有個客想點雞翼餐，收銀女士話無多士喎，咁人地其實都好正常問番，咁有咩轉到！個收銀女士就無禮貌咁話，你想轉咩，無架，無多士都係咁既錢.... 再問其他，都好似樣樣都無，最後男侍應先講 水吧個個都放左工，要食既就食飯！聽到收銀女士咁樣待客，心裡都真係沉左一沉....我地聽到當然醒目仔，所以叫左2個晚餐，都係1餸1飯1例湯同1餐飲。以為之前個別事件，等待之際，又聽到再有一檯客同佢地嘈交，事情是說，為何沒有餐牌寫的：住家老火湯！係唔係應該退錢！當然又一番理論啦！收銀女士話無晒就無得送，好合理；客話你寫得係餐牌既就唔係送，係包，既然你無，係唔係要搵野代替番或減錢！雙方你一句得一句咁... 不過，我又睇番個餐牌，佢真係寫住 ＂包白飯，住家老火湯，啡/茶 （凍飲加$2）＂，咁樣，即係我既2個晚餐都無老火湯！最後，呢檯客嘈到話要報海關，走時大力關趟門，店方又話保留追究權利......（其實去到呢下，我已經覺得鋪頭係唔啱）我都係想靜靜地食餐安樂茶飯者，真
入到去坐底，見到有個客想點雞翼餐，收銀女士話無多士喎，咁人地其實都好正常問番，咁有咩轉到！個收銀女士就無禮貌咁話，你想轉咩，無架，無多士都係咁既錢.... 再問其他，都好似樣樣都無，最後男侍應先講 水吧個個都放左工，要食既就食飯！聽到收銀女士咁樣待客，心裡都真係沉左一沉....
我地聽到當然醒目仔，所以叫左2個晚餐，都係1餸1飯1例湯同1餐飲。以為之前個別事件，等待之際，又聽到再有一檯客同佢地嘈交，事情是說，為何沒有餐牌寫的：住家老火湯！係唔係應該退錢！當然又一番理論啦！收銀女士話無晒就無得送，好合理；客話你寫得係餐牌既就唔係送，係包，既然你無，係唔係要搵野代替番或減錢！雙方你一句得一句咁... 不過，我又睇番個餐牌，佢真係寫住 ＂包白飯，住家老火湯，啡/茶 （凍飲加$2）＂，咁樣，即係我既2個晚餐都無老火湯！最後，呢檯客嘈到話要報海關，走時大力關趟門，店方又話保留追究權利......（其實去到呢下，我已經覺得鋪頭係唔啱）
我都係想靜靜地食餐安樂茶飯者，真係檯檯客都嘈，為免影響心情，我覺得唔要例湯都由佢啦！唔想嘈.... 終於到我食物黎到，就同我講廚房last order，如果無野加，麻煩埋左張單。我同朋友都好快手埋左張單，我地自問好禮貌，唔該前唔該後，收銀女士講句，找68放低檯面就掉頭，找錢都真係一句唔該/多謝都無。找完錢，佢地就將我地身邊既椅全部倒放檯上做打掃，我d食物剛黎，我都唔知你20:15收舖，唯有急住咁將食物扒晒入口走人！食物唔識欣賞，只係覺得入得口，食完快走！
Post