好燒式串燒專門店 (砵蘭街)

Open Now

Now Closed

收工想食啲野，又唔想食澱粉質既情況下，決定食串燒，係朋友介紹下黎到 好燒式 。一黎到第一個感受就係服務相當好，由介紹食物到講解食法，唔單止專業仲相當熱情，令客人十分舒服，好似去左朋友屋企食飯咁。由於本人唔食得太辣，所以嗌左小辣，辣味唔會蓋過食材味，調味平衡得相當好。所有串燒都燒得時間岩岩好唔會太老。佢既原條燒魚亦相當不錯，因為見當時唔少客人都有嗌，就跟住嗌左條馬友，肉質相當相嫩滑，加埋每人都都有既泰色辣醬一齊食，又多左一重風味。黎到推介環節，依一個烤蒜味道唔算好濃烈，有淡淡甜味，加上香草味，有扒房質素。依個帶肉既雞軟骨，燒得香脆，雞軟骨條充滿咬口，食落好過引。依個燒白鱔係必食之選，魚皮燒到極脆，一啲都唔腥，肉質依然嫩滑，我一次可以食3條呀！只要收工/宵夜想搵野食依個都係相當唔錯既選擇，而且位置方便易搵，係可以試完再試又再試既串燒店。