藍鳥廚房 (Closed)

行過We GoMall ，見到呢依間餐廳新開張，門口又有個牌，寫住晚市做特價，結果入去試一試。呢間餐廳嘅格調，介乎茶餐廳同西餐廳之間，而最令人深刻嘅，係門口阿姐同埋裡邊阿姐嘅服務態度，個個都好親切叫咗一個今晚特價嘅香草蜆肉意粉， $65連埋餐湯嘢飲，另外在叫咗一個咖喱雞配烤酥餅，有嘢飲但冇餐湯都係$65。餐湯係羅宋湯，呢隻係稀嗰種羅宋湯，正常嘅金寶湯味道。跟住主菜嚟啦，香草蜆肉意粉蜆肉夠多，上邊加咗少少野菜同埋芝士粉，但略嫌掩蓋唔到佢汁淡嘅味道，意粉唔係好煙靭嗰種，係煮到淋淋地嗰隻，各有所好啦。再試吓嗰個咖喱雞配酥餅，份量不大，個咖喱都算幾難，雖然細兜，但有雞有薯仔有車厘茄，酥餅有三個，冇咩牛油味。