Video
Read full review
2017-09-13
223 views
放假就緊係要對自己好啲，同朋友決定嚟個放縱嘅任食放題，一於試吓鳴橋先! 因為想試多幾款烤肉同刺身，所以就揀咗加$40升級。呢度個爐同出面唔同，爐面會鋪多張牛油紙再掃咗層油，食物就放喺上面燒，咁就無咁易燒燶啦! 基本上同朋友差唔多樣樣都叫啲嚟試吓，個人最鍾意香草雞翼、牛舌、黑椒一口腸、雞軟骨、多春魚同龍脷柳。雞翼燒完後皮脆肉嫩，食到淡淡香草味; 牛舌食落好爽，唔會韌; 一口腸似台式香腸，好甘香; 雞軟骨燒完卜卜脆，過足口癮; 多春魚同龍脷柳都唔腥，呢啲食物我都 encore 再 encore! 蟹籽沙律唔係用蛋黃醬，而係用芝麻醬汁，好清新! 中華沙律都好爽口，開胃之選~馬刀貝刺身外面放題比較少食到，食落好爽脆，其他刺身新鮮度都不俗。天婦羅蝦同餃子應該係即叫即炸，嚟到仲係好燙口，食炸嘢最緊要夠熱，一口蕃薯好甜好綿，好味。我要咗芝麻味雪糕作為今餐嘅 ending，芝麻味香濃，再飲埋佢杯自家煲涼茶，是晚係羅漢果，可以清清熱，同朋友飲飽食醉，暢談一晚，放假係要咁先似樣! 順帶一提，店員嘅服務值得讚許，親切有禮，並不時留意各食客嘅燒烤紙需否替換，主動提醒換紙，避免食物燒焦; 另外，食放題最怕漏單，
因為想試多幾款烤肉同刺身，所以就揀咗加$40升級。
呢度個爐同出面唔同，爐面會鋪多張牛油紙再掃咗層油，食物就放喺上面燒，咁就無咁易燒燶啦!
肉類
15 views
0 likes
0 comments
基本上同朋友差唔多樣樣都叫啲嚟試吓，個人最鍾意香草雞翼、牛舌、黑椒一口腸、雞軟骨、多春魚同龍脷柳。雞翼燒完後皮脆肉嫩，食到淡淡香草味; 牛舌食落好爽，唔會韌; 一口腸似台式香腸，好甘香; 雞軟骨燒完卜卜脆，過足口癮; 多春魚同龍脷柳都唔腥，呢啲食物我都 encore 再 encore!
肉類
15 views
0 likes
0 comments
蟹籽沙律唔係用蛋黃醬，而係用芝麻醬汁，好清新! 中華沙律都好爽口，開胃之選~
肉類，和食
10 views
0 likes
0 comments
馬刀貝刺身外面放題比較少食到，食落好爽脆，其他刺身新鮮度都不俗。
刺身
9 views
0 likes
0 comments
刺身
19 views
0 likes
0 comments
天婦羅蝦同餃子應該係即叫即炸，嚟到仲係好燙口，食炸嘢最緊要夠熱，一口蕃薯好甜好綿，好味。
炸物
25 views
0 likes
0 comments
我要咗芝麻味雪糕作為今餐嘅 ending，芝麻味香濃，再飲埋佢杯自家煲涼茶，是晚係羅漢果，可以清清熱，同朋友飲飽食醉，暢談一晚，放假係要咁先似樣!
雪糕
12 views
0 likes
0 comments
順帶一提，店員嘅服務值得讚許，親切有禮，並不時留意各食客嘅燒烤紙需否替換，主動提醒換紙，避免食物燒焦; 另外，食放題最怕漏單，呢度就完全無呢個問題，可以盡情大吃大喝~~
Post
