Video
Read full review
2023-02-02
1888 views
想試帝苑酒店嘅自助餐好耐，適逢有朋友生日就嚟呢度試吓佢嘅dinner buffet～我哋嚟嘅呢日係平日，客人都唔算好多😆我哋一坐低 侍應就幫我哋笠椅套😯呢幾年去過咁多間自助餐，呢間係難得一間會咁貼心地幫客人做呢個服務 以免我哋嘅衫或者袋整污糟！呢樣嘢好值得讚！坐低之後我哋好快就出去攞嘢食啦😍呢度嘅凍海鮮都幾多，有龍蝦，青口，蟹腳，翡翠螺，凍蝦等等。而且都真係幾新鮮，食落啲肉唔會好韌，尤其龍蝦都幾高質😋好多膏！不過擺放嘅位都比較迫，一開始自助餐嘅時候好多客人堆埋一堆拎嘢，可能地方問題，餸菜都擺得比較密集～呢度嘅燒牛肉都好吸引😍我咁岩拎到肉中間嘅位置，熟嘅程度啱啱好，都幾嫩🥰呢度仲有個Grilled station 有唔同嘅串燒添沙律🥗嘅選擇都唔少 睇落都幾新鮮！帝苑嘅餅房咁出名 當然要試吓佢哋嘅甜品啦！出晒名嘅蝴蝶酥果然冇令我失望🤤好脆好香牛油味，會令人一食再食，而佢哋嘅cheese cake都唔差，好creamy但又唔會太漏😜同埋估唔到佢哋個三色朱古力慕絲杯幾好食喎，好有層次，而且做得真係好綿滑😍呢度仲有即整嘅pancake 㗎 不過我就冇拎到嚟食啦🫢另外呢度嘅刺身有三文魚，油甘魚，八
我哋嚟嘅呢日係平日，客人都唔算好多😆
我哋一坐低 侍應就幫我哋笠椅套😯呢幾年去過咁多間自助餐，呢間係難得一間會咁貼心地幫客人做呢個服務 以免我哋嘅衫或者袋整污糟！
呢樣嘢好值得讚！
坐低之後我哋好快就出去攞嘢食啦😍
呢度嘅凍海鮮都幾多，有龍蝦，青口，蟹腳，翡翠螺，凍蝦等等。而且都真係幾新鮮，食落啲肉唔會好韌，尤其龍蝦都幾高質😋好多膏！
不過擺放嘅位都比較迫，一開始自助餐嘅時候好多客人堆埋一堆拎嘢，可能地方問題，餸菜都擺得比較密集～
呢度嘅燒牛肉都好吸引😍我咁岩拎到肉中間嘅位置，熟嘅程度啱啱好，都幾嫩🥰
呢度仲有個Grilled station 有唔同嘅串燒添
沙律🥗嘅選擇都唔少 睇落都幾新鮮！
帝苑嘅餅房咁出名 當然要試吓佢哋嘅甜品啦！
出晒名嘅蝴蝶酥果然冇令我失望🤤好脆好香牛油味，會令人一食再食，而佢哋嘅cheese cake都唔差，好creamy但又唔會太漏😜同埋估唔到佢哋個三色朱古力慕絲杯幾好食喎，好有層次，而且做得真係好綿滑😍呢度仲有即整嘅pancake 㗎 不過我就冇拎到嚟食啦🫢
另外呢度嘅刺身有三文魚，油甘魚，八爪魚，吞拿魚，𩶘魚，希靈魚。不過就唔算特別新鮮，都係一般酒店自助餐嘅水準~
熱食有海南雞飯，燒味，釀焗蟹蓋，炸廣島蠔，蒸魚等等，呢度嘅熱食就比較少。不過值得一提嘅係依家有飛仔出去換一人一份蠔皇花膠扒👍🏻但我同有人就覺得唔係特別好食，可以留返個肚食甜品或者凍海鮮☺️
不過估唔到嘅係仲有蛋糕送添！所以壽星女都好開心！侍應嘅服務態度都好好，仲有同我朋友講生日快樂添😆
總括嚟講我覺得呢度嘅性價比都幾高，服務態度都幾好，而且有live Band🎤氣氛同環境都唔錯嘅
係熱食比較少選擇，但如果鍾意食甜品同凍海鮮嘅朋友絕對值得一試！😄
Post
