浪人日本料理 (Closed)

同好朋友慶祝，食生日飯，朋友建議食日本菜，因為好多好嘅日本餐廳朋友之前都試過，所以今次諗地點都有啲難度，最後朋友搵到呢間餐廳，口碑唔錯，決定就試一試餐廳喺蘭桂坊附近，地點算好方便，入到餐廳，見到佢枱同枱之間嘅距離算好多，所以客人傾計嘅私隱度都好高，值得一讚首先餐前小食嘅支豆，感覺好新鮮，而且每一粒都好飽滿，好有味，食完即刻好開胃另外餐廳職員介紹我哋食呢個浪人卷，估唔到份量比我想像中大，而且每一舊上面都鋪滿海膽同埋魚子，其實連紫菜入面都係有刺身，感覺性價比好高，正另外我哋再叫咗一個金箔海膽豆腐，海膽好鮮甜，而且賣相好吸引，所以好快俾我哋K.O.左最後我哋再叫咗一個牛肉壽起燒，牛肉好淋，好有牛味，而且佢個湯底好清甜，基本上食完已經超級飽，另外因為我哋預備左蛋糕，所以冇食到太多主食，下次一定要再嚟食過