芝麻開門甜品專門店

Open Now

Now Closed

係呢間甜品店對面打邊爐，見到芝麻開門不停有客入去仲要排隊，難得同枱個個都話想試，咁就拉隊去食。去到好彩有位，啱啱有幾枱埋單。甜單menu唔算多但係有心思，服務員行埋嚟幾次我哋都未揀好！服務員姐姐仲好nice話慢慢㨂😃最終我叫咗呢間舖頭最出名嘅椰皇燉蛋白同埋芒果拿破崙配咖啡味雪糕，又真係好好味！椰皇燉蛋白幾大個，好清香，唔好好甜。一個人食唔晒，但係2個人分又唔夠喉！食埋芒果拿破崙配咖啡味雪糕，感覺啱啱好！芒果好甜，拿破崙差啲趣口，有少少扣分。總括來講都值得推薦！