尚鮮海鮮料理 (Closed)

呢間係我近黎食過最高質嘅火鍋店!佢喺time square隔離，位置方便呢間火鍋店主打高質海鮮同埋肉類。入到去鋪頭裏面，就見到佢擺咗好多時令嘅海鮮推介喺張枱度。當日我哋兩個人去食，叫咗佢嘅二人海鮮套餐， 佢既海鮮套餐非常足料，有大大隻嘅蟶子、有大大隻嘅蠔、有唔同種類嘅蜆、同有蝦。性價比一啲都唔低😋😋😋另外，我哋亦都叫咗手切肥牛。肥牛雪花嘅分佈非常之平均，食落去有濃濃既肉味同肥美既牛油味。最令我驚喜嘅係佢嘅丸類，超有誠意，每粒丸 都會有唔同嘅餡料，例如有鹹蛋碎啦，有黑松露醬等等。 成個拼盤有四種丸類：蝦丸、墨魚丸、豬肉丸同牛肉丸。我哋仲叫咗脆肉鯇魚片， 將魚片用麻辣湯底整熟佢別有一番風味😋😋😋講返餐廳嘅 硬件先，佢每枱都好有私人空間，大部分都有板圍住，好似坐左係包廂咁👍👍👍👍餐廳既軟件都好，有笑容可掬既侍應不斷幫你加湯，添水，同秘走d泡😂😂😂😂 服務非常好!