三希樓 (Closed)

三希樓今日大約六點幾，我地去銅鑼灣三希樓食晚餐。我地兩個人叫左四個餸有美極雞軟骨、荷葉飯、紅油抄手、黃金南瓜。美極雞軟骨份量都算多，炸到金黃色，再加上美極，非常香口和好味，鍾意食香口嘅你可以試下。荷葉飯整咗個荷葉飯炒得夠乾身，粒粒分明，荷葉飯都有好多料，食起嚟都幾香。紅油炒手醬汁濃味，餃子皮薄，一口形狀的餃子，食落非常方便，大約有十粒，都幾滿足。黃金南瓜鹹蛋黃炒南瓜，南瓜都幾甜，鹹蛋黃味都幾重，每一夠南瓜都沾滿了鹹蛋黃，食落幾香口，如果南瓜加上一層脆漿會更加好食。環境方面正間鋪頭裝修都幾有風格，有不同的畫掛在牆上，環境都幾舒適。服務方面每一個員工的服務態度都好好，有禮貌。大家都可以去試下。