Video
Read full review
2025-01-13
79 views
呢條街大把唔同種類食店，呢間食串燒嘅就係其中一間。想食咩畫係落單紙上，交單後等食。個人黎講好歡喜食炸池魚 ($48)，以為食日本野先有，呢度都有。魚身比較大條，骨會較BB時硬身，食時點埋沙律醬，作為前菜食住等串燒都唔錯。來佬啤酒有唔同口味選擇唔”酒”人士，叫咗罐可樂 ($18)，侍應同時拎埋辣粉/孜然粉，可自行加辣/加味。呢度嘅燒海鮮類都好多種類侍應推介燒北寄貝 ($98/2隻)以芽菜墊底，北寄貝上再放上幾粒三文魚籽，口感先有爆脆，北寄貝唔韌，再食到芽菜爆汁，一啖有幾種口感。自選串燒拼盤送上先食鹽燒白鱔 ($49)鱔身夠厚，入口爆出少少魚脂，口感爽彈。牛柳串 ($22)輕鬆食，鬆軟口感帶D燒烤香味。鷄中翼 ($22/2隻) – 食到鷄皮有少少甜味，可能搽咗蜜糖? 皮香肉嫩。雞腎串 ($22)驚喜地入口一D都唔乾，點埋個蒜醋汁食，追住食。燒日本芝士年糕 ($28/2件)呢個又要趁熱食，一咬香甜芝士已輕輕咇出黎，芝士控必食。厚燒玉子 ($22)甜甜地鬆軟幾好入口，怪唔之得侍應話都幾多人叫。豆卜 ($18) – 燒得夠乾脆，但一定要點汁食，為佢加味道。鹽燒牛舌芯 ($48)算係厚切，黑椒味
想食咩畫係落單紙上，交單後等食。
個人黎講好歡喜食炸池魚 ($48)，以為食日本野先有，呢度都有。魚身比較大條，骨會較BB時硬身，食時點埋沙律醬，作為前菜食住等串燒都唔錯。
來佬啤酒有唔同口味選擇
唔”酒”人士，叫咗罐可樂 ($18)，侍應同時拎埋辣粉/孜然粉，可自行加辣/加味。
呢度嘅燒海鮮類都好多種類
侍應推介燒北寄貝 ($98/2隻)
以芽菜墊底，北寄貝上再放上幾粒三文魚籽，口感先有爆脆，北寄貝唔韌，再食到芽菜爆汁，一啖有幾種口感。
自選串燒拼盤送上
先食鹽燒白鱔 ($49)
鱔身夠厚，入口爆出少少魚脂，口感爽彈。牛柳串 ($22)
輕鬆食，鬆軟口感帶D燒烤香味。鷄中翼 ($22/2隻) – 食到鷄皮有少少甜味，可能搽咗蜜糖? 皮香肉嫩。
雞腎串 ($22)
驚喜地入口一D都唔乾，點埋個蒜醋汁食，追住食。燒日本芝士年糕 ($28/2件)
呢個又要趁熱食，一咬香甜芝士已輕輕咇出黎，芝士控必食。
厚燒玉子 ($22)
甜甜地鬆軟幾好入口，怪唔之得侍應話都幾多人叫。豆卜 ($18) – 燒得夠乾脆，但一定要點汁食，為佢加味道。
鹽燒牛舌芯 ($48)
算係厚切，黑椒味幾出，口感軟中帶口感。原條蒜蓉燒茄子 ($40)係我食串燒時嘅必叫食物。
熱辣辣用筷子一夾已輕易夾出茄子肉，蒜蓉份量適中，唔太多油，惹味蔬菜之選。只食串燒驚好快會變餓，呢度仲有幾款意粉/飯類，壓軸黎個鮑魚汁海鮮荷葉飯 ($108)，即叫即製，係要D時間。
見到個真身都有點驚訝，咁飽滿嘅?! 打開荷葉就再聞到多D香味。蛋絲食到炒蛋香味，炒飯粒粒分明但唔多油。海鮮料包括蜆肉及蝦仁，再加翠玉瓜，露荀粒，飯粒已經調好味，份量夠2-3人食。
呢度侍應服務態度好，宵夜時段營業到凌晨3點，下次夜繽紛後又多一個選擇。
Post
