平昌 Premium (Closed)

韓燒係香港食過唔少，第一次黎食呢間平昌，佢有幾款set可以揀，平中貴，不過都係任飲任食既。今次都叫左唔同類型既食物。肉類，有牛有豬，牛肉牛舌等牛類質素幾好 ，口感唔差，而且牛都有唔少款式揀，算多款。豬就五花腩不過我對於五花腩本身就一般，所以就無特別正唔正啦。豬皮反而口感唔錯，可以試海產海鮮類都唔錯，有帆立貝係幾正，蠔都大大隻，不過始終係韓燒就唔同蒸或生蠔咁食同味道，但係我已經覺得好好，味道又唔錯。蜆都大隻，所以質素係有既。有叫青魚鰻魚不過青魚都難燒，始終都係韓燒形式但味道唔錯。服務唔錯係因為服務員會主動換盤收野，而且都無甩單，有效率。食韓燒吸油煙機係幾緊要，呢度抽風唔算好勁，見到有部分煙都抽唔走不過又唔算成間店都係煙。總結唔錯既韓燒，食物有質素。服務又夠快，值得試一試。