Video
Read full review
2008-06-02
1 views
尋晚同d朋友, 諗住求其搵間野入去坐, 結果入左大救駕呢度d環境幾好, 唔多人, 又好似好乾淨咁, 好適合我地傾偈我地四個人, 叫左都幾多野食, 不過佢勝在d野細細碟, 又唔貴, 可以叫多幾款唔同既野食, 不過入面大部份食物係辣既, 小妹唔食得辣, 所以叫d野都係以唔辣為主我地叫左以下菜式:1. 蒜泥白肉~ d肉唔會太肥, 佢個汁係白雲鳳爪d汁, 有小小辣辣地, 不過我接受到, 一碟細細碟, 大約十塊到, 幾好味~2. 酥炸雞軟骨~ 真係好好味!! 好入味! 推薦!!3. 鹵水雞翼~ 一碟得三隻, 都唔夠我地四個人分, $14碟咋! 好味!~4. 鹵水豬耳~ 又係$14, 平靚正~5. 白焯時菜~ 我地叫左生菜, 我覺得ok喎~ 冇咩特別~ 6. 鬼雞~ 佢既招牌菜, 其實係雞沙律, 成份有烏雞同雜菜, 不過我淨係食左塊生菜就已經冇再食, 因為真係好辣!! 佢辣既程度係5隻辣椒呀!~ 因為佢加左紫天椒! 不過我d朋友話好味囉, 佢地都覺得好辣, 但都食得晒, 咁我諗都真係好好味~7. 雞絲粉皮~ 又係超好味!! 我唔知佢個汁加左咩落去, 除左花生醬, 應該加左其他野, 甜甜地咁, 又係
呢度d環境幾好, 唔多人, 又好似好乾淨咁, 好適合我地傾偈
我地四個人, 叫左都幾多野食, 不過佢勝在d野細細碟, 又唔貴, 可以叫多幾款唔同既野食, 不過入面大部份食物係辣既, 小妹唔食得辣, 所以叫d野都係以唔辣為主
我地叫左以下菜式:
1. 蒜泥白肉~ d肉唔會太肥, 佢個汁係白雲鳳爪d汁, 有小小辣辣地, 不過我接受到, 一碟細細碟, 大約十塊到, 幾好味~
2. 酥炸雞軟骨~ 真係好好味!! 好入味! 推薦!!
3. 鹵水雞翼~ 一碟得三隻, 都唔夠我地四個人分, $14碟咋! 好味!~
4. 鹵水豬耳~ 又係$14, 平靚正~
5. 白焯時菜~ 我地叫左生菜, 我覺得ok喎~ 冇咩特別~
6. 鬼雞~ 佢既招牌菜, 其實係雞沙律, 成份有烏雞同雜菜, 不過我淨係食左塊生菜就已經冇再食, 因為真係好辣!! 佢辣既程度係5隻辣椒呀!~ 因為佢加左紫天椒! 不過我d朋友話好味囉, 佢地都覺得好辣, 但都食得晒, 咁我諗都真係好好味~
7. 雞絲粉皮~ 又係超好味!! 我唔知佢個汁加左咩落去, 除左花生醬, 應該加左其他野, 甜甜地咁, 又係推薦既菜式之一!~
8. 過穚米線~ 食雲南菜又點少得米線呢~ 我地叫左$50個種, 好正宗既雲南過橋米線食法: 材料先到, 有米線、生雞蛋、生豬肝、生雞肉片、腐竹、九菜等, 然後有一碗滾湯, 將d料倒晒落去(個侍應會幫你整), 等一分鐘, 就食得喇~ 都好好味, 好正宗~
講埋d服務態度, 真係一流!! d侍應姐姐好好人, 佢會走埋黎同我地吹水, 不停咁refill水, 碗米線有兩粒類似酸菜既物體, 我地話唔夠分, 佢就好好人咁入廚房拎多兩粒俾我地! (明屈, 哈) 之後我地叫鬼雞, 個姐姐知我地唔食得辣, 但又好想試, 結果我地叫左之後, 佢就走埋黎了解下我地食唔食到, 會唔會太辣等, 我地要求冰水, 佢既刻就拎四杯出黎俾我地, 然後有個侍應哥哥(佢冇著制服, 所以一直都冇留意到佢既存在... 我懷疑佢係廚師) 走出黎, 知我地真係覺得個鬼雞好辣, 佢就好好人咁主動去廚房拎左d青瓜出黎俾我地, 教識左我地原來青瓜係可以解辣架!! 佢仲教我地唔好飲水, 因為會愈飲愈覺得辣!~ 真係超好服務態度呀!!~
我地叫左咁多野食, 埋單都唔貴啊!! 所以真係值得一食再食啊!~
Post