Video
Read full review
2021-11-15
73 views
其實對上兩次過嚟都知道呢度好似快餐店咁樣㗎啦，今次嚟到坐低嗌左杯梳打 成20分鐘都未到 見佢可能爆場都忙嘅所以唔緊要啦諗住針杯水飲啦 點知自助枱嗰度杯都冇晒啦 問佢攞又話啤酒杯唔用得 又話冇杯可以用 我就話OK唔緊要咁你有先至再俾我啦 之後問佢攞紙巾 都好晦氣咁俾我我唯有同佢係咁唔該啦 但最嬲係乜嘢呢 係我等緊個差嘅時候 個職員喺隔離執枱 將成個玻璃樽跌咗落我腳掌 整到紅晒 竟然好似啞咗咁樣 就咁行過嚟我度執返個玻璃樽就走咗去 我都忍唔住問佢sorry都冇一句㗎 佢竟然又好似聾咗咁樣直行直過 最後我真係忍唔住行去counter問係咪真係咁冇禮貌 結果另外個職員就答我因為嗰個人係第一日返工所以唔好意思 我想講嘅係呢啲係基本禮貌唔關第幾日返工事囉 真係第一次杯野都未飲完 我就要求佢退咗嗰個餐嘅錢 淨係收返我兩杯嘢飲就走咗啦 勁嬲嘅一次經驗 一肚氣
Post