桃園制作粥麵餐廳 (廣田商場) (Closed)

依家就係餐廳食緊飯，食個咖哩雞扒魚柳飯，啊姐話汁可以另上，咁我咪叫另上。黎到個啲汁得個幾匙，諗住算啦，食住先轉頭叫佢加，可以見到張相左上角個碗汁係連一半都冇，我未食完半碟飯都冇哂汁了。咁就叫啊姐加汁，同埋跟下個湯啦。點知個啊姐拎住碗湯周圍行都唔知送去邊。因為個汁未黎，就叫佢加啦，佢已經有啲唔情願咁，去到廚房加個陣，聽到廚房大叫冇汁加啊，再加要俾錢啊，冇哂汁啊。秒燥左！佢比個啲汁夠食飯定夠食魚柳/雞扒？拎到黎見到啲汁仲少過開頭，我呆左，對住個啊姐冷笑左下，佢同我笑番轉頭==仲問我想點，我即刻同佢講你仲笑得出。怕你唔知係真材實料，俾埋舊骨你食啊！一飲落真係第一次飲冇味既真材實料湯添啊！垃圾！味道幾ok都唔會再食！