Video
Read full review
2010-09-06
5 views
是晚很大雨，梗係啦，三個颱風打到黎，都打唔成風，正所謂"打風唔成三日雨"嘛，早就預左啦。歪打正著的是，早兩天訂了Palace IFC兩張戲飛，打算跟朋友一起睇戲，打風落雨，最好就是睇戲了是不是?睇戲前當然要填飽肚子吧，當晚就選了這間"芽莊"了。這間東西很有個性，小弟公司在附近，曾試過打電話叫外賣自取，都是落得一口回絕的下場，頗有戚戚然之感也。到來之前都睇過呢樹各位同好既評語，多數為服務不好之類，也好，有個心理準備，到底時踏實一些。等了五分鐘便有位子，是因為早來一步(真的只是一步，甫坐下回首一望窗外，已被滿滿的人龍隔著，連雨景也差點看不到)。坐下，看餐牌，點菜，小弟及友人也頗多心，兩個人叫了：青檸梳打+薄荷葉，鹹檸梳打，涼拌茄子，牛油雞翼，釀魷魚，生牛肉河，呀重要個雞絲河...........此時，侍應姐姐打斷話頭：太多喇!!!小弟立時一呆，下?太多??又好似係喎...侍應姐姐：咁可能會食唔晒架，個牛油雞翼都幾滯下，不如你地要一換生牛肉+雞絲河夾份食丫~我：(丫，又話好無禮貌既???咁都叫無禮貌??幾好添喎我覺得...)唔...好啦!就咁決定啦，唔該晒你!食物陸續到來，唉，真是難怪呢間野
歪打正著的是，早兩天訂了Palace IFC兩張戲飛，打算跟朋友一起睇戲，打風落雨，最好就是睇戲了是不是?
睇戲前當然要填飽肚子吧，當晚就選了這間"芽莊"了。這間東西很有個性，小弟公司在附近，曾試過打電話叫外賣自取，都是落得一口回絕的下場，頗有戚戚然之感也。
到來之前都睇過呢樹各位同好既評語，多數為服務不好之類，也好，有個心理準備，到底時踏實一些。
等了五分鐘便有位子，是因為早來一步(真的只是一步，甫坐下回首一望窗外，已被滿滿的人龍隔著，連雨景也差點看不到)。
坐下，看餐牌，點菜，小弟及友人也頗多心，兩個人叫了：
青檸梳打+薄荷葉，鹹檸梳打，涼拌茄子，牛油雞翼，釀魷魚，生牛肉河，呀重要個雞絲河...........此時，侍應姐姐打斷話頭：太多喇!!!
小弟立時一呆，下?太多??又好似係喎...
侍應姐姐：咁可能會食唔晒架，個牛油雞翼都幾滯下，不如你地要一換生牛肉+雞絲河夾份食丫~
我：(丫，又話好無禮貌既???咁都叫無禮貌??幾好添喎我覺得...)唔...好啦!就咁決定啦，唔該晒你!
食物陸續到來，唉，真是難怪呢間野排長龍，又真係幾好食既，唯一要彈彈的是河粉的質地怪怪的...可能是小弟未食過正宗的吧，但其他食物真是一流，那個牛油雞翼，牛油香氣濃郁，又是剛炸好熱辣辣，真是食過返尋味架。涼拌茄子就當然好吃了，每件茄子上有半隻蝦，一堆蔥油(拌撈濛果d呢...)還有乾蔥，一口吃之，百味紛陳，又軟(茄子)又脆(乾蔥)的口感，到底是誰想得到這樣配搭的呀?真要比返幾個叻佢先得喇。
那個釀魷魚嘛...是乾魷魚釀入肉碎(肉碎中也吃得出有土魷的，很鮮味)再慢火烤之，切件即成。不過小弟就不太喜歡這個了...那個乾魷魚筒有點太過煙韌了，趙到牙都軟。不過只是不喜其口感遮，味道都算是很好的。
小插曲：釀魷魚附上綠色醬汁一碟，小弟生平最怕芫茜，所以唯有捉住一位侍應問個清楚，佢都唔識架，不過就好有禮貌地幫我問廚房! 又再一次證明呢間餐廳禮貌都唔係咁差既。
而且食物真是太多，果然食不完...好彩信左先前位呀姐咋。
食飽飽，抬頭一看，仍然是那條長龍排在外頭...又下雨，又排隊，做做好心，快快埋單走人啦~
Post