曼谷泰菜 (新都會廣場) (Closed)

母親節將至，媽媽又鍾意食泰菜，所以見近近地環境又ok就決定同全家人黎呢間。不過真係一個錯誤既選擇，完全係一個字，嬲!其實簡得商場食肆都唸住有服務，舒服，但係原來衰過大排檔。一落Order個陣服務員e小姐(呀嬸級)已經係勁冇禮貌，態度又衰，又冇耐性，完全唔理會身為顧客，即係我地既感受。我心唸我黎係食飯，同屋企人享受家庭生活，唔係黎受氣。anyway唸住食完即刻走人。但係發生左一樣野真係令我好谷氣，我上左年紀既爸爸飲唔慣餐廳唯一既泰啤，但又習慣左要啤酒送飯，所以就買左一罐啤酒偷偷飲，比服務員e小姐發現左就鬧我呀爸，最後驚動埋餐廳經理，其實如果係咁你可以收返我一打啤酒錢都得，駛唔駛鬧顧客?駛唔駛鬧我呀爸，所以呢間餐廳既員工甚至管理層要好好儉討一下，加上食物味道一般!所以呢間餐廳今時今日既服務態度真係差過大排檔!Btw一定唔會再黎同埋一定唔會介紹朋友黎食，失望加憤怒，簡直係比錢買難受!