元祖和風食堂虎藏 (Closed)

咁啱經過藍田就入左呢間餐廳，一入去收銀處空蕩蕩，連個人都無。過左一陣，先有個人大老遠嗌過嚟，話隨便坐。點左個拉麵，個餐包括嘢飲/味噌湯，二選一。當時係下午2、3點，因為成日都冇食過嘢，所以叫左杯咖啡，諗住加錢要埋味噌湯暖胃。我個位係收銀處對面，個店員落單之後同另外一個同事係收銀處密密針，當住我面係到議論我一個人要咁多，隱約聽到佢地話「佢兩個都要哂囉」。其實我聽到哂，你話我唔加錢兩個都要就可以話我無賴，但係我肯畀錢你地有咩好講是非？？？個刻覺得用餐觀感很差。食物不過不失，57蚊嘅價錢係咁上下。啲職員行行企企，得閒無事去撩隔離枱小朋友，跑去送貼紙，反而收銀處無人，落單都要舉手等一陣。然後拉麵食到一半，湯同咖啡都仲未飲完，我只係攞起電話覆信息，令人火滾嘅事就發生。個職員撩完小朋友，跑嚟話我幫你收收個餐盤？？？大佬我諗住抖下再食姐，個陣完全唔係繁忙時間，一半嘅枱都係空嘅，你唔洗咁樣趕客啊？服務一般，真心唔會再幫襯！