牧羊少年咖啡館 (白楊街)

Open Now

Now Closed

下晝5點幾同女朋友特登出去食下午茶，駁下有無位，來到人唔算多，一入去就有位坐環境好唔錯，好有文青氣息，知道當時仲有下午茶餐點就分別嗌咗份waffle 同水牛城雞翼，愛爾蘭咖啡同黑糖latte， 落order嘅女侍應都算幾nice， 諗住搵到達好地方下次可以再來。飲品好快就上， 我點嘅黑糖latte完全不能入口，好似落咗兩包砂糖落杯咖啡咁嘅味道，甜都當堂牙都痛埋。愛爾蘭咖啡還可以，可惜用咗普通咖啡杯嚟裝同略嫌太多whiskey。等咗一陣，女朋友的waffle到了， 佢揀咗綠茶味雪糕同士多啤梨醬，不過不失（黑糖latte甜到雪糕都無咩味咁）以為好快就有得食，點知等咗10分鐘碟雞翼都未上，於是叫侍應過來跟下單，咖啡室內嘅侍應有好幾個，女仔的都係度做緊嘢落緊單，唯獨個男侍應就係度玩電話，熠咗好幾次先見到我哋，問佢可唔可以跟下，佢轉個頭就幫另一枱落單，好似完全無咗件事咁。再過咗10分鐘，waffle 食完，咖啡凍晒都未嚟，於是埋單走人， 好失望，唔會再嚟。