居食屋「和民」 (黃埔天地時尚坊)

Open Now

Now Closed

以前好鍾意去和民食飯，地方大又舒服，食物又好。依家真係唔洗錢都唔會去！服務差！門口已經冇帶位，㩒鐘仔就有個不情不完嘅waitress遠遠咁問我幾位，行前多一步都唔願！入到去放低你去張枱就走。之後想點餐，搵極都冇人！點咗6號 牛肉鍋燒烏冬+迷你東京牛肉飯👇🏼 烏冬冇味，牛肉飯啲牛肉又鞋又un又多根，吉野家好食好多囉！連我個4歲大嘅女兒都竟然同我講唔食，好難食，媽咪掉落垃圾筒😥我自己本來點咗個厚切牛舌盒子飯👇🏼 嬲到唔記得影相😑 $118呢個價錢，啲牛舌硬到咬唔到吞唔到，以為一塊係咁啫，算啦，點知第二塊第三塊都係咁，根本冇辦法咬，冇辦法吞，冇辦法食落去。我決定叫經理換，點知一句解釋一句道歉都冇，木無表情咁叫我快啲點過第二個，今時今日咁嘅服務態度真係死得啦😠根住就點咗個石鍋黑椒牛肉飯👇🏼 我只能說 pepper lunch 好食好多！今次之後，真係唔會再回頭！服務同食物都真係好差好差！