L16 (Closed)

公司比左$2000 我地去食飯, 唔知邊個同事話試下呢間意泰fusion菜, 咁一行十人就黎左呢度食dinner。十人大枱得果幾張, 要坐到去洗手間門口了。講下個環境先, 真係靚, 岩情侶拍拖。bar 枱果邊仲有好多外藉人士happy hour 緊, 氣氛唔錯。睇下個MENU, 原來泰式還泰式, 意式還意式, 都唔知有乜咁fusion?! Anyway 都叫左好多野食, 有柚子沙律, 泰式拼盤,菠蘿炒飯,串燒, 燒羊扒等等,唔記得咁多了。落單果位waitress 就真係唔掂, 可能佢對慣外藉人士啦, 對住我地都幾唔好老脾下,搞到好似我地向佢乞食咁,好差!!! 第一印象已經扣哂分。先黎每人一個特飲,我自己要左個珍多冰,都ok啦, 罐頭椰汁貨色。反而我阿姐要左個西瓜拼唔知咩汁,佢話有保濟丸味@_@"D野食還可以啦,不過分量真係太少, 70幾元一個柚子沙律, 得半個柚子的份量(冇其他料!)。拼盤百幾蚊,都係普通貨色。最深刻印象係普普通通蒜茸包都要$10一小塊囉....甜品選擇幾乎係冇, 得果D泰式糕。由於我地都食到好氣餒,所以冇再叫喇~埋單連加一$1800左右, 9女1男全部食唔飽, 有人仲