龍門樓 - 志蓮素齋

Open Now

Now Closed

今日與家人出開鑽石山，諗起鑽石山附近就係志蓮淨苑，之前聽人講果度啲齋幾好味，於是決定試吓，大約七點鐘去到，見店內也幾多人，在無訂位的情況下，好彩仲有位俾我們，隔多一會，見之後入嚟啲人已開始要等位，一坐低，服務員已遞上熱茶，由於我們係三個人，一開始＂立＂眼見啲餐係四人起，所以無睇，睇散叫，但到落單時，個服務員見我有叫燉湯(散叫$120一位）於是好窩心咁同我講，如果你叫燉湯，不如叫餐會抵好多，一睇，原來餐也有二位份量咁叫，個服務員仲話，都好多人叫二人餐但三個人食也夠，成件事覺得好窩心老實，唔會為賺錢而唔提客人其實可以這樣叫，最後叫了套餐A，二人份量係$480，另外加了白飯、腰果桃膠露及薑汁黑糖千層糕，食物整體來說幾好味，不䶢，唔會有過多芡汁，清清地，其中一個前菜胡麻鮮茄涼皮，D涼皮係粉紅色，幾特別，不過覺得佢個甜品比較貴，要$60 一碗腰果桃膠露，份量比較少🙈但唔甜，適合老人家食，整體來說，幾好，環境優雅、服務幾好，食物也幾好，重點不用加一👍🏻不過真係叫套餐抵過散叫，散叫老實講係貴的🙈