紅蔥頭 (Closed)

行開海馬，見又肚餓，就事但揾啲嘢食下，一坐低，就有人攞水黎，咁我地飲啖水，睇餐牌。過左冇耐，就有位部長過黎推介食物，佢同我地講話試下二人套餐吖，有湯，有甜品，有嘢飲架，咁睇下，又覺得好似幾好咁，就叫左個豬仔骨同卡邦尼嗰個套餐，首先，紅湯，白湯同多士嚟到，紅湯都幾濃味，白湯就鹹左少少，到主菜䊍喇，豬仔骨配薯條，豬仔骨肉質，味道都幾好，九十分，卡邦尼，芝士味濃，正合心水，可惜分量少左啲，食完主菜，有人嚟收碟，加水，仲問我地食咩旦糕同飲咩，我地要左紐約同士多啤梨，芝士餅味道好麻麻，係一大敗北，可惜，飲飽食醉，埋單走人，走時，店員都有講再見，服務同食物都幾好，下次我應會再黎。希望下次旦糕會有進歩吖。