Video
Read full review
2005-09-29
38 views
餅就無得你食，氣就有得你受！上星期日有朋友生日，佢未試過想今次試下Zoe餅，我就試過幾次，覺得佢地咁多款餅中只有signature cake "Zoe" 好食，但晏d去都賣晒，於是兩日前打定電話去跑馬地店訂餅，點知我都未講要幾多件同幾時要，個姐姐仔就話要先去佢地舖頭俾錢先有得傾，公司規矩，無錢唔做，一係就到時黎到睇下買晒未。我只係訂四件，一百蚊有找，又唔係一百幾十件，我車由沙田過黎隧道都五十六蚊啦，阿姐姐就話，一件都要先俾錢，因為成日有客「放飛機」，仲話即日打電話黎留餅，幾個鐘後去都唔得。後來，阿姐姐仲叫左銅鑼灣分店個supervisor打電話黎，呢個姐姐仲厲害，首先話無訂餅policy（一早話無咪唔駛煩囉），然後又話，要先俾錢餅房至會做野，否則只能限量生產，我都同意如果講緊幾十件，都應該俾錢先，但而家只係幾件，你地咁好生意，即使個客「放飛機」，你地都可以賣到出去，點知佢話：「你鐘意點諗就點諗，我地做生意有我地方法，你星期日自己去舖度買到就買啦！」所謂限量，無非係想吊起黎買，令個名矜貴d，咁又係，我又無工人、司機幫我過海俾錢，似乎呢間餅店又認為住新界區人食唔起佢地d餅，咁我同佢地緣份亦
上星期日有朋友生日，佢未試過想今次試下Zoe餅，我就試過幾次，覺得佢地咁多款餅中只有signature cake "Zoe" 好食，但晏d去都賣晒，於是兩日前打定電話去跑馬地店訂餅，點知我都未講要幾多件同幾時要，個姐姐仔就話要先去佢地舖頭俾錢先有得傾，公司規矩，無錢唔做，一係就到時黎到睇下買晒未。我只係訂四件，一百蚊有找，又唔係一百幾十件，我車由沙田過黎隧道都五十六蚊啦，阿姐姐就話，一件都要先俾錢，因為成日有客「放飛機」，仲話即日打電話黎留餅，幾個鐘後去都唔得。
後來，阿姐姐仲叫左銅鑼灣分店個supervisor打電話黎，呢個姐姐仲厲害，首先話無訂餅policy（一早話無咪唔駛煩囉），然後又話，要先俾錢餅房至會做野，否則只能限量生產，我都同意如果講緊幾十件，都應該俾錢先，但而家只係幾件，你地咁好生意，即使個客「放飛機」，你地都可以賣到出去，點知佢話：「你鐘意點諗就點諗，我地做生意有我地方法，你星期日自己去舖度買到就買啦！」
所謂限量，無非係想吊起黎買，令個名矜貴d，咁又係，我又無工人、司機幫我過海俾錢，似乎呢間餅店又認為住新界區人食唔起佢地d餅，咁我同佢地緣份亦到此為止，我食得起，不過我有骨氣。在此將件事寫出黎敬告大家，因為阿supervisor姐姐話，即使你投訴佢都唔覺得自己有問題！
Post