Video
Read full review
2021-10-16
1746 views
這是我第一次寫評論，我都睇過其他人的意見，我先寫，因為都發現有其他食客覺得職員的服務不太好，咁証明都唔係我一個嘅意見係咁。門口的職員態度係好嘅，我同老公入店內後，有人問我哋飲咩茶，之後連茶及menu 拎咗嚟，我哋揀咗，舉手叫人落單，等左一兩分鐘後，門口的職員見到問我哋咩事，我哋講想落單，佢就用walkie幫我哋叫其他人，我見到個男經理應咗機，但佢係到執野咁我哋都等一陣。到佢執完枱，又走開咗；而我哋都舉手搵其他職員，但無一個見到咁；有個見到嘅，又可能係傳菜唔落單。但我哋食飯時間雖然係夜晚7點幾，但都有幾張枱係無人坐。而又有個男職員係我哋入座後都係眼望望好似望住整湯俾一兩枱人，但對眼係好唔專心周圍望，搞左好耐都未「筆」完湯。過咗幾分鐘，都係無人理。我哋又舉手，個男經理終於見到，但態度頗串，雙手舉起手上揸住嘅湯及用具，又聳聳肩，表示唔得閒理。我哋準備拎袋打算起身走，佢終於行過黎講好唔得閒。落單後，我哋洗碗嘅熱水當然無人有時間處理，我自己拎住兩個碗行去廚房倒水，途中個女經理見到竟然不聞不問。入到廚房倒埋水都無人理我，如入無人之境。我哋係明白佢地好忙（當然我見個男職員同女經理係扮忙，似將個波左腳
門口的職員態度係好嘅，我同老公入店內後，有人問我哋飲咩茶，之後連茶及menu 拎咗嚟，我哋揀咗，舉手叫人落單，等左一兩分鐘後，門口的職員見到問我哋咩事，我哋講想落單，佢就用walkie幫我哋叫其他人，我見到個男經理應咗機，但佢係到執野咁我哋都等一陣。
到佢執完枱，又走開咗；而我哋都舉手搵其他職員，但無一個見到咁；有個見到嘅，又可能係傳菜唔落單。但我哋食飯時間雖然係夜晚7點幾，但都有幾張枱係無人坐。
而又有個男職員係我哋入座後都係眼望望好似望住整湯俾一兩枱人，但對眼係好唔專心周圍望，搞左好耐都未「筆」完湯。
過咗幾分鐘，都係無人理。我哋又舉手，個男經理終於見到，但態度頗串，雙手舉起手上揸住嘅湯及用具，又聳聳肩，表示唔得閒理。我哋準備拎袋打算起身走，佢終於行過黎講好唔得閒。落單後，我哋洗碗嘅熱水當然無人有時間處理，我自己拎住兩個碗行去廚房倒水，途中個女經理見到竟然不聞不問。入到廚房倒埋水都無人理我，如入無人之境。
我哋係明白佢地好忙（當然我見個男職員同女經理係扮忙，似將個波左腳踢俾右腳咁，啲嘢搞黎搞去都搞唔完），我哋唔係要你即時放低手上嘅嘢招呼我哋，只係俾少少回應，覺得我哋存在就得。
Post