Video
Read full review
2022-10-22
477 views
今日不孤獨，星期六收工約埋老友食晚餐，老友之前一直話想試呢間係屯市既bean，不是Mr bean，咁就擇日不如撞日一試如何。話說呢間cafe成日都見排長隊，今日星期六晚都唔例外，老友早左到排左半小時左右就入得，我收工黎到就岩岩好。餐廳環境算幾大，落單方式可用Qr code，唔識用都可叫侍應幫手，我地就慢慢研究，因為食物款式都算幾多，仲有d加配要求要一樣一樣咁撳，所以都搞左差不多15分鐘，對於不喜歡用Qr code既朋友最好都係搵返侍應幫手啦。黑松露醬薯條第一份到既餐，上菜速度好快，落單後5分鐘唔洗都開始有野食，呢份薯條用粗薯，薯味算ok，黑松露醬味不太濃，薯條比較複雜，有d就熱加脆，有d就暖同少少腍，睇黎係新炸同舊炸溝埋左，唔怪得上菜咁快，都明白既咁多人下下即炸真係炸到天光，但相對變得無咁好食。青咖哩軟殼蟹意大利飯呢個飯先講缺點，1.唔夠熱，2.d飯比較硬，硬到好似唔夠熟咁，小弟比較少食意大利飯所以唔知正宗係咪咁，優點都有既，調味幾唔錯，青咖哩夾做意大利飯味道原來都幾夾，軟殼蟹同樣都係唔夠熱，不是新鮮炸，成個飯有好有壞，所以只係一般。黃金蟹肉意粉意粉口感少少硬，我都覺硬左dd可接受，醬
話說呢間cafe成日都見排長隊，今日星期六晚都唔例外，老友早左到排左半小時左右就入得，我收工黎到就岩岩好。
餐廳環境算幾大，落單方式可用Qr code，唔識用都可叫侍應幫手，我地就慢慢研究，因為食物款式都算幾多，仲有d加配要求要一樣一樣咁撳，所以都搞左差不多15分鐘，對於不喜歡用Qr code既朋友最好都係搵返侍應幫手啦。
黑松露醬薯條
第一份到既餐，上菜速度好快，落單後5分鐘唔洗都開始有野食，呢份薯條用粗薯，薯味算ok，黑松露醬味不太濃，薯條比較複雜，有d就熱加脆，有d就暖同少少腍，睇黎係新炸同舊炸溝埋左，唔怪得上菜咁快，都明白既咁多人下下即炸真係炸到天光，但相對變得無咁好食。
黑松露醬薯條
437 views
0 likes
0 comments
青咖哩軟殼蟹意大利飯
呢個飯先講缺點，1.唔夠熱，2.d飯比較硬，硬到好似唔夠熟咁，小弟比較少食意大利飯所以唔知正宗係咪咁，優點都有既，調味幾唔錯，青咖哩夾做意大利飯味道原來都幾夾，軟殼蟹同樣都係唔夠熱，不是新鮮炸，成個飯有好有壞，所以只係一般。
青咖哩軟殼蟹意大利飯
$138
169 views
0 likes
0 comments
黃金蟹肉意粉
意粉口感少少硬，我都覺硬左dd可接受，醬汁調味都算豐富，蟹粉幾足蟹肉就少d，同樣問題不夠熱。
黃金蟹肉意粉
20 views
0 likes
0 comments
白松露醬烤肉眼排5成熟
呢份牛扒擺盤算幾靚，牛扒都煎到5成熟，厚度大約4分左右未到半吋，食落都有肉汁，火喉算唔錯，比較可惜係呢塊牛扒本身唔算好靚，同埋比較細塊，底下跟左d話係蒜香薯蓉但無蒜香味，最奇怪係說好的白松露醬呢?
白松露醬烤肉眼排5成熟
$288
18 views
0 likes
0 comments
彩虹茶拿鐵
造型就靚啦，老友揀左少甜，就話比較淡喎。
彩虹茶拿鐵
39 views
0 likes
0 comments
踏進了冰山
呢杯特飲有d驚喜，材料用左藍柑，荔枝同椰青水，杯邊加左d海鹽，另外加左d碎冰，飲落甜甜地又帶少少咸，用粗管飲又飲到d碎冰，飲完透心涼，果然係入左冰山。
踏進了冰山
21 views
0 likes
0 comments
tiramisu
朱古力味都算濃，欠d酒香，比較甜。
tiramisu
20 views
0 likes
0 comments
creme burley
有焦糖燉蛋同紅豆抹茶蛋糕，蛋糕竟然仲熱過d主菜。
creme burlee
16 views
0 likes
0 comments
總結:食物方面味道尚算可以，但不算高質，出品控制要加強下，上菜速度係快但主菜唔熱真有點奇怪，而且價錢都偏高，值得讚既服務方面算是滿意年輕班底，有禮貌同比較醒目。
Post
