Video
Read full review
2024-01-19
273 views
去開荃灣，見呢間800幾個舔舔脷，決定一試。門口睇完濕濕哋嘅餐牌就見到只收現金同支付寶🥶不過聽講係有良心嘅食店（但係收支付寶）所以試吓啦，好在身上有現金啫。入面環境都幾好，樓底好高幾舒服，抽風都無問題，其他客人食吉列牛都無乜油煙味👍🏻講咗食物先，食物都有好多種類，用QR code落單。有趣係日本餐廳竟然有意粉同意大利飯。今次叫左安格斯牛肉鍋$88，加咗$38跟刺身、南瓜湯同玄米茶，另外嗌咗煙三文魚明太子意粉$98同埋初見特上豚骨湯拉麵$88。🐮安格斯牛肉鍋 2.8/5分有4片牛肉，望落都好大塊好靚，鍋入面有啲菇菜等等普通野，湯底無特別，成個鍋食完都無乜印象嗰種。🍣煙三文魚明太子炒扁意粉 2.3/5比較重口味，煙三文魚係正常入貨質素，有3塊，明太子醬汁偏咸，除咗咸味之外都無其他味。🍜初見特上豚骨湯拉麵 2.8/5拉麵有肥牛、豬軟骨、叉燒各兩件，仲有荀、紫菜同溏心蛋，正常發揮，湯底係無要求嗰種咸味湯底。$38加錢配套餐 3/5有4件刺身，算係不錯；南瓜湯飲到南瓜味，不過偏咸；餐飲要咗玄米茶。食物質素同800幾舔舔脷唔成正比，食完餐飯仲有啲口渴添！附近係路德圍可以順便買杯嘢飲嘅。好喇，講完食
入面環境都幾好，樓底好高幾舒服，抽風都無問題，其他客人食吉列牛都無乜油煙味👍🏻
講咗食物先，食物都有好多種類，用QR code落單。有趣係日本餐廳竟然有意粉同意大利飯。今次叫左安格斯牛肉鍋$88，加咗$38跟刺身、南瓜湯同玄米茶，另外嗌咗煙三文魚明太子意粉$98同埋初見特上豚骨湯拉麵$88。
🐮安格斯牛肉鍋 2.8/5分
有4片牛肉，望落都好大塊好靚，鍋入面有啲菇菜等等普通野，湯底無特別，成個鍋食完都無乜印象嗰種。
$88
29 views
0 likes
0 comments
🍣煙三文魚明太子炒扁意粉 2.3/5
比較重口味，煙三文魚係正常入貨質素，有3塊，明太子醬汁偏咸，除咗咸味之外都無其他味。
$98
2 views
0 likes
0 comments
🍜初見特上豚骨湯拉麵 2.8/5
拉麵有肥牛、豬軟骨、叉燒各兩件，仲有荀、紫菜同溏心蛋，正常發揮，湯底係無要求嗰種咸味湯底。
$38加錢配套餐 3/5
有4件刺身，算係不錯；南瓜湯飲到南瓜味，不過偏咸；餐飲要咗玄米茶。
食物質素同800幾舔舔脷唔成正比，食完餐飯仲有啲口渴添！附近係路德圍可以順便買杯嘢飲嘅。
好喇，講完食物，要講吓服務。
樓面有3個人，一個男人兩個女人（一個較年長，一個年輕），男人服務係唔錯嘅，會主動嚟講解，都feel到佢有心想做好，但問題係較年長嘅女人，唔知佢係咁啱心情唔好還是本身係咁，全程黑面🌚嘢食上檯嗰陣同佢講我哋share，想要碗仔唔該，佢隨便擺低咗就行返去同年輕女傾計，可能佢聽唔到所以行過去講多次，本身佢傾緊計笑笑口嘅，一聽到要碗仔就變面，叫年輕女拎過嚟，之後見佢都係黑口黑面。
綜合價錢、食物、服務，回頭率係0，荃灣區有好多質素高嘅良知餐廳，無謂食得唔開心吖😊
埋單$385，人均$130
價錢 4/5
環境 4/5
食物 2.5/5
服務 2/5 （2分係俾哂男職員）
Post
