紅茶冰室

Open Now

Now Closed

我同老公習慣去呢間餐廳度週末食早餐，平時就搭枱好快有位，咁今日諗住有時間等吓卡位，黑框眼鏡分位阿姐，不斷問肯唔肯搭枱，咁我等咗10幾分鐘，終於排第一，阿姐堅持繼續問我搭唔搭台，我同阿姐講我終於都排到第一等多陣，佢話今日排隊全部都係貴賓冇人肯搭枱，佢話俾我知要等多20分鐘，隨後就不斷比三個人坐卡位，終於忍唔到問佢，我話點解你兩三行啲人都係兩個人可以座卡位，但你唔比我呢？佢話嗰啲人本來係三個人走咗一個，所以就兩個人坐卡位，我話，你十幾枱啲人都走左一個？你咁樣分枱唔公道的。分枱阿姐就開始發爛渣，佢話係唔公道㗎啦，搭巴士都唔會有公道㗎！我老公就話你咁樣講嘢唔啱，阿姐繼續話，係呀我哋呢度係請CEO，你教我做嘢呀！跟住咁啱近窗邊就有二人卡位，終於有得我座，本來一肚氣叫老公走，但係排咗咁耐唯有照食啦，食完臨走阿姐又發功，喺側邊用對講機大聲叫樓上D伙記又話，啲卡位比三個人座，繼續用去兇殘嘅態度掌管呢一間茶餐廳嘅政策。大佬，我嚟嘆早餐，唔係來啃骨，若果呢個集團真係有CEO的話，麻煩你哋睇吓呢篇嘢，去民間視察下民情，講完。