龍閣

Open Now

Now Closed

一家人提早食中秋節飯，龍閣唔算大，但有分近門口位同較入嘅位，本來坐喺較入嘅位，但入面好多人，實在太嘈，所以搬咗出去近門口位，但侍應們都冇嫌我地麻煩。叫咗幾味菜，最快到係湯。呢個係西洋菜瘦肉湯，味道鮮甜，似乎落咗好多蜜棗，湯料都好味，西洋菜好入味，d瘦肉亦唔硬。跟坐係瑤柱蛋白炒飯，睇落唔多油，幾香口，d瑤柱有d乾身到脆。子疆皮蛋，係傳統嘅味道。黑木耳青瓜絲，味道一般，但幾清新。燒腩仔，皮脆肉厚，甘香可口，唯獨人多唔夠分。蒜蓉蒸龍蝦，好大隻，一人半隻，個樣好吸引，點知有一隻未熟，搣開咗先知，本來話煮返熟呢隻，但其實已經搣到好核突，好在侍應最後都肯再整過隻俾我地石斑兩食，石斑肉好鮮美又滑，最鍾意食魚，入味又冇骨，正。