Video
Read full review
2016-06-20
599 views
事源小弟喺某報章媒體得知，龍津小食呢間嘢嘅創辦人老細早排接受某報館專訪，所以小弟於琴日 (即2016年6月18日) 下午五點零鐘，就專誠由鑽石山坐車嚟到藍田呢間分店前嚟幫襯。點知……未食到啲嘢，就開始受氣喇！惡劣態度接踵而來，山長水遠嚟到呢度，幾經辛苦下，卒之俾我搵到呢間嘢，當時見到企喺店裡面嘅就有兩個阿姐同一個阿叔喺度。
於是我好有禮貌咁問：“唔該啲魚蛋點賣呀”？，其中一個呀姐黑口黑面咁嗒低頭回應：“大碗二十，細碗十蚊”。我問：“咁一串幾錢呀？”(原本諗住買一串試下好唔好味先)，點知個呀姐拿住塊面唔彩我，跟住我再問：“係唔係冇一串賣㗎？”，於是個呀姐就好似食錯藥咁，怒睥咗我一眼之後，突然遞隻手上嚟好大力咁猛拍掛住喺裡面嗰條 “$7一串魚蛋” 嘅價目牌，跟住好大聲咁咈：“你唔識睇㗎？” (由於小弟係初次幫襯，再加上頭先俾前面個客遮擋住咗，所以先睇唔到嗰價目牌)。小弟當時已經好嬲喇，但為咗息事寧人，自己啲EQ都算控制得好好，(心諗千祁唔好同呢種人一般見識，最多下次唔再幫襯嘅啫)，惟當時就真係谷到自己成肚氣。
好喇，當時我當然冇心情再去試魚蛋喇，咁
於是我好有禮貌咁問：“唔該啲魚蛋點賣呀”？，其中一個呀姐黑口黑面咁嗒低頭回應：“大碗二十，細碗十蚊”。我問：“咁一串幾錢呀？”(原本諗住買一串試下好唔好味先)，點知個呀姐拿住塊面唔彩我，跟住我再問：“係唔係冇一串賣㗎？”，於是個呀姐就好似食錯藥咁，怒睥咗我一眼之後，突然遞隻手上嚟好大力咁猛拍掛住喺裡面嗰條 “$7一串魚蛋” 嘅價目牌，跟住好大聲咁咈：“你唔識睇㗎？” (由於小弟係初次幫襯，再加上頭先俾前面個客遮擋住咗，所以先睇唔到嗰價目牌)。小弟當時已經好嬲喇，但為咗息事寧人，自己啲EQ都算控制得好好，(心諗千祁唔好同呢種人一般見識，最多下次唔再幫襯嘅啫)，惟當時就真係谷到自己成肚氣。
好喇，當時我當然冇心情再去試魚蛋喇，咁就同隔離另一個呀姐講想要一碗碗仔翅，(事關個老細接受訪問時同記者講，話佢哋啲碗仔翅配料同魚蛋汁都係中央工場整定返嚟嘅)，咁我梗係唔執輸，想一試究竟啦！點知令到小弟非常失望，碗仔翅落咗好多味精，啲配料又好稀，真係唔知似乜？成個湯底賣相就好似洗腳水咁，食完之後勁飲好多水。 完全九唔搭八咁。
與此同時偶爾聽到企喺我隔離食緊雞蛋仔嘅兩個學生哥哥喺度講：“佢哋啲魚蛋唔好食，好似成舊粉咁。” 哎……我一聽到呢度，覺得頭先真係好好彩，冇去試佢哋啲魚蛋喳。
食完碗翅之後，我就問裡面企檔雞蛋仔個阿叔，“請問啲垃圾丢去邊呀？” 跟住個呀叔好唔耐煩咁，用隻手指向前面冇雷公咁遠，大大聲咁話：“放喺嗰度囉…”，跟住怒啤咗我一眼
唉……呢間啲咁嘅垃圾嘢，咁冇禮貌既人渣，想我下次再幫襯都幾難。同埋俾著呢啲咁冇禮貌兼臭脾氣嘅呀姐呀叔睇檔，想唔早啲執笠就有鬼喇！
最後小弟想講講，如果大家想攞錢去買難受兼受氣嘅，嚟呢度就啱嗱
Post