極尚大喜屋 (加連威老道) (Closed)

唔好睇入面環境的的適適，午市黎食係全院滿座，好在有預約。員工服務態度同食物質素都好好😊電子餐牌選擇一般多，但都黎得好快同無漏單情況發生。我每次都係食完凍野先食熱野，緊係食個一人份量既刺身先，每款都食小小都好滋味好鮮甜，呢間反而係厚切油甘魚同池魚王較優勝，美味。其實唔洗貪心叫好多，唔係試唔到其他好野。 之後叫左幾款壽司🍣白松露油甘魚壽司白松露香味同油甘魚清淡味道互補上，好夾。鹽燒左口魚邊，由於小脂肪既油腔口感，入口即化既感覺好讚！櫻花魷魚🦑較清甜，有口感。柚子胡椒原條穴子🍣必叫，肥美啖啖肉，一大條好大滿足感。另外有個三重芝士炸蝦🍤卷好脆，味道層次豐富，三重芝士較哂香濃！到熟食👀蠔皇鮑魚時蔬唔好睇小係鮑魚仔，但煮到入哂味。花膠雞鍋呢鍋落足料，尤其花膠份量多，仲要大大舊🥰雞件都有大塊，好補啊～～(個底有翅㗎)日式串燒真係即叫即燒，製作需時，唔係普通返熱就算，呢間既鹽燒翠肉瓜，韓辣醬燒魷魚同炸榴連係最有風味，齒夾留香。最後食左個沖繩海葡萄沙律🥗第一次食，口感好得意呀，不過就咁食好鹹😂一定要連埋其他蔬菜食先中和返☺️係爽口的，清油膩感，大家可以試下。