上海天龍樓

Open Now

Now Closed

今日媽咪生日話想食上海野，就黎咗呢間近近地嘅餐廳。我哋三人揀咗四人套餐，再加一客鍋貼。食物方面只有兩個字就係鹹同油。小籠包係跟餐嘅，不過可惜一食就見到仲係紅紅地，有少少唔熟，所以要求更換。飯係要另外加錢先有，其實佢哋係唔係唔明套餐嘅意思。食到差唔多最後鍋貼仲未到，比起種種嘅缺點，漏單彷彿已經唔算甚麼。最後重點係明明餐牌寫全日免加一茶芥，最後都係要計錢。二人$7，四人$14，我哋三人都係要俾$14。其實服務方面有個年紀大啲嘅姐姐都幾nice，係個帶帽後生啲嘅女人態度衰。光顧得嘅都係客，唔需要太好服務，但基本對答嘅禮貌都唔該俾少少。