穴蔵

Open Now

Now Closed

一家人食晚飯，原本開開心心。早一個月前訂了枱，但食前一晚餐廳沒有至電確認訂位已覺其怪，所以打電話去確認，有位的，但要立刻去付定金喎，大哥。。。打電話時是晚上，第二天就來了，先前定位又不講，他說先前幫我訂位的已走了，現在規矩要，blah blah, 最後幸好他同意搞掂。準時去到，叫咗章紅魚帶子沙律，安格斯肉眼薄燒，銀鱈魚西京燒，天婦羅拼盤，特上壽司拼盤，再叫咗啲卷物同鍋飯烏東，最後甜品以雪芭同雪糕作結，其實食物本身都可以，幾新鮮。可惜店員服務太差，首先點餐後已經聽到佢哋話我哋只係點丼飯，態度嫌棄。下單時説好我們是share的，餐來時沒給碗，叫佢拎碗，佢就咁擺低喺長枱嘅一邊，叫我哋自己傳開去。跟住叫人加茶，成枱8個人佢只加一位，服務水平奇低，但收費唔算平，8個人食咗加信用卡優惠3500元，卻一肚子氣，以後唔會再幫襯了。無論呢間餐廳覺得自己嘅定位係咩，其實一個weekend night 第一輪都唔爆場，又冇第二輪嘅客，就應該自我檢討下點解冇回頭客，只係做十領廿個你哋認為嘅豪爽客係唔會維持到嘅，你哋唔係喺中環，呢度係又一城。